Pitchfork / Pitchfork Music Festival hapet sot në kryeqytetin britanik dhe vijon deri më 8 nëntor. Programi bashkon rock-un alternativ, elektronikën, hip-hop-in dhe eksperimentimin muzikor në klube, kisha dhe salla koncertesh. Londra nis sot, më 2 nëntor, një javë koncertesh të Pitchfork Music Festival, me një program që shpërndan artistët dhe publikun në disa prej hapësirave muzikore të qytetit. MOTH Club pret hapjen me grupet Horse Jumper of Love, Jawdropped dhe Hammok. Festivali vijon deri më 8 nëntor, duke bashkuar emra të njohur të muzikës alternative me artistë që kërkojnë ende publikun e tyre.
Organizatorët përdorin qytetin si hapësirë koncertesh. Krahas klubeve MOTH dhe Village Underground, programi përfshin Hackney Church, Roundhouse, institutin e arteve bashkëkohore ICA dhe Royal Festival Hall. Ky organizim i jep çdo koncerti një mjedis më vete dhe e lidh festivalin me sallat ku Londra mban gjallë veprimtarinë muzikore gjatë vitit. Edicioni londinez nisi më 2021.
Programi i sivjetshëm vë pranë njëri-tjetrit artistë me gjuhë të ndryshme muzikore. The Avalanches, Tortoise, Noname, Hania Rani, Actress dhe The Radio Dept. përfaqësojnë disa nga drejtimet kryesore të tij. Noname sjell një interpretim të posaçëm për dhjetëvjetorin e “Telefone”, ndërsa përzgjedhja përfshin edhe Ana Roxanne, kitaristin Bill Orcutt dhe Georgia Anne Muldrow. Një nga mbrëmjet më të ngarkuara vjen më 6 nëntor në Roundhouse, ku The Avalanches ndajnë programin me Panda Bear & Sonic Boom dhe artistë të tjerë. Më 7 nëntor, “Dalston Takeover” u jep spektatorëve mundësinë të ndjekin koncerte në disa ambiente të lagjes me një byzylyk të vetëm hyrjeje. Në këtë pjesë të festivalit luajnë DIIV, Mandy, Indiana, Psychedelic Porn Crumpets dhe Working Men’s Club. Mbyllja, më 8 nëntor, sjell dy koncerte me karakter të ndryshëm. Hania Rani dhe Brìghde Chaimbeul dalin në Royal Festival Hall, ndërsa Village Underground pret Dragonflies, projektin e Dhani Harrison dhe Nigel Godrich. Mes hapjes në MOTH Club dhe këtyre dy mbrëmjeve, festivali ndërton një program që i kërkon publikut të kalojë nga një tingull te tjetri, nga formacionet e kitarave te krijimet elektronike dhe interpretimet instrumentale./Pamfletipitchfork londra muzika alternative Lini një Përgjigje Anuloje përgjigjen Kulture “Odisea” thyen rekordin historik të Universal, filmi i Christopher Nolan kalon 1.17 miliardë dollarë në arkëtime 2 Nëntor 2026, 13:5313:53Kulture Ndahet nga jeta në moshën 41-vjeçare aktori dhe regjisori Gjergj Mena! 2 Nëntor 2026, 10:4510:45Kulture Miles Davis, 100 vjet nga lindja e njeriut që ndryshoi jazz-in 1 Nëntor 2026, 14:2014:20Kulture Ben Blushi zbulon historinë e romanit të ri: Si u kthye një zhgarravinë e rastësishme në kopertinë 31 Tetor 2026, 19:3119:31Kulture Përtej 'Bukës dhe Cirkut' 30 Tetor 2026, 22:5222:52Kulture Tirania e fjalës së lirë 30 Tetor 2026, 17:4617:46Kulture