Dhomat e Specializuara të Kosovës në Hagë shpallin sot aktgjykimin e shkallës së parë për ish-krerët e UÇK, Hashim Thaçi, Kadri Veseli, Rexhep Selimi dhe Jakup Krasniqi, në procesin gjyqësor për akuzat për krime lufte dhe krime kundër njerëzimit. Seanca për shpalljen e vendimit nis në orën 10:00 dhe vendimi do të bëhet i ditur veçmas për secilin prej katër të akuzuarve. Të gjithë i kanë mohuar akuzat.
Procesi gjyqësor në Hagë ka zgjatur më shumë se katër vite dhe ka përfshirë dëshmitë e mbi 100 personave nga ana e Prokurorisë, ndërsa mbrojtja ka paraqitur dëshmitarë dhe argumente në kundërshtim me akuzat dhe pretendimet për përgjegjësinë e të pandehurve.
Prokuroria ka kërkuar dënime me burgim për katër ish-krerët e UÇK-së, ndërsa mbrojtja ka kërkuar rrëzimin e akuzave.
Në Kosovë, shpallja e aktgjykimit është pritur me aktivitete publike në mbështetje të të akuzuarve, përfshirë “Marshin për Liri” në Prishtinë. Edhe në Hagë janë mbledhur mbështetës, ndërsa autoritetet holandeze kanë shtuar masat e sigurisë pranë objektit të Dhomave të Specializuara.
Aktgjykimi i shkallës së parë nuk e mbyll domosdoshmërisht procesin. Prokuroria dhe mbrojtja kanë të drejtë të apelojnë vendimin, sipas procedurave të Dhomave të Specializuara të Kosovës.
Përditësimet live: Japin sot vendimin në Hagë, kush janë gjyqtarët që caktojnë fatin e Thaçit dhe ish-krerëve të tjerë të UÇK
Kosova dhe Rajoni Në pritje të vendimit në Hagë, familjarët e Hashim Thaçit dhe Rexhep Selimit hyjnë në gjykatë
Kosova dhe Rajoni Pak para vendimit në Hagë, mbështetësve të Thaçit dhe ish-krerëve të UÇK-së u kërkohet të largohen nga hapësirat para gjykatës
Kosova dhe Rajoni Top Channel