Franca dhe Anglia do të përballen në ndeshjen për vendin e tretë në Kupën e Botës 2026, një sfidë që vjen si zhgënjim për të dyja kombëtaret, të cilat synonin finalen e madhe. Për Francën, kjo do të jetë edhe ndeshja e fundit e Didier Deschamps në stolin e “Les Bleus”. Trajneri legjendar do ta mbyllë aventurën e tij pas 187 ndeshjeve në krye të kombëtares, një rekord absolut për Francën. Gjatë drejtimit të tij, francezët fituan Kupën e Botës në vitin 2018 dhe arritën në finale në vitin 2022.
Megjithatë, ëndrra për një lamtumirë perfekte u shua në gjysmëfinale, ku Franca u mposht 2-0 nga Spanja. Para kësaj disfate, skuadra kishte regjistruar shtatë fitore radhazi, gjashtë prej tyre me të paktën dy gola diferencë.
Edhe Anglia mbërrin në këtë sfidë pas një eliminimi dramatik. “Tre Luanët” kryesonin 1-0 ndaj Argjentinës deri në minutat e fundit të gjysmëfinales, por pësuan dy gola pas minutës së 80-të dhe u mposhtën 2-1.
Pas humbjes, kritikat u drejtuan ndaj trajnerit Thomas Tuchel, me shumë tifozë që vlerësuan se zëvendësimet mbrojtëse i dhanë iniciativën Argjentinës dhe ndikuan në përmbysjen e rezultatit.
Pavarësisht zhgënjimit, Anglia ka ende mundësinë të sigurojë vendin e tretë, që do të ishte rezultati i saj më i mirë në një Kupë Bote që nga triumfi historik i vitit 1966. Megjithatë, statistikat nuk janë në favor të anglezëve, pasi ata kanë humbur të dyja ndeshjet e mëparshme për vendin e tretë në Kupën e Botës.
Edhe bilanci i përballjeve direkte favorizon Francën. Anglia ka fituar vetëm një nga nëntë ndeshjet e fundit mes dy kombëtareve, duke regjistruar dy barazime dhe gjashtë humbje. Një prej këtyre disfatave erdhi edhe në Kupën e Botës 2022, kur Franca eliminoi anglezët në çerekfinale.
Përballja për medaljen e bronztë pritet të jetë një duel prestigji, ku të dyja ekipet do të synojnë ta mbyllin turneun me fitore.
Rezultati Live:
Francë 1-4 Angli
Mbappe 48′ / Rice 3′, Konsa 18′, Saka 37′, 45+1′
Ngjaret Kryesore:
48′ Goool Franca 1-4/ Olise hedh një top në zonë për Mbappe, i cili nuk gabon përballë portierit. (Video)
46′ Nis pjesa e dytë!
45+4′ Mbyllet pjesa e parë!
45+1′ Goool Anglia 0-4/ Saka godet me të majtën në hyrje të zonës dhe shënon të katërtin. (Video)
45′ Akordohen 4 minuta shtesë.
37′ Goool Anglia 0-3/ Pas një sërë tentativash në zonë, Rashford pason për Sakan i cili nuk gabon me portën e boshatisur. (Video)
35′ Mbappe hyn në zonë dhe godet me të djathtën, por tentativa e tij ndalet nga Henderson.
18′ Goool Anglia 0-2/ Rice kroson drejt zonës dhe Konsa kërcen mbi të tjerët dhe tund rrjetën pas një goditje me kokë. (Video)
11′ Saka lëviz bukur në zonë dhe me të majtën tund rrjetën, por gjyqtari e anulon për një pozicion të parregullt.
3′ Goool Anglia 0-1/ Rice godet nga distanca dhe shtang Maignan duke tundur rrjetën. (Video)
1′ Nis sfida në Miami!
Formacionet Zyrtare: Top Channel