Përshkallëzohet protesta në Vlorë, ku rreth orës 10:00 protestuesit janë përplasur me forcat e policisë te kantieri ku po ndërtohet muzeu hebraik, në zonën historike të qytetit. Situata është tensionuar pasi protestuesit kanë tentuar të hyjnë në hapësirën e kantierit, ndërsa policia ka ndërhyrë për t’i penguar.Lexo edhe:Vetëm 30 minuta shi, përmbyten rrugët kryesore të Elbasanit Protestuesit kundërshtojnë ndërhyrjet në qendrën historike të Vlorës dhe kërkojnë ndalimin e projektit. Në qendër të kundërshtimit është edhe Klubi Patriotik “Labëria”, të cilin protestuesit e konsiderojnë pjesë të rëndësishme të historisë dhe identitetit të qytetit. Përplasja mes protestuesve dhe policisë ka rritur tensionet në zonën e kantierit, ndërsa vijon protesta kundër projektit.
