Edhe pse me një ditë vonesë, policia kibernetike ka nisur më në fund një hetim mbi origjinën dhe përhapjen e videove intime, në të cilat kompozitori Ardi Hila (që është marrë në pyetje) kryen marrëdhënie intime me disa gra që punojnë në botën e spektaklit. E tronditur nga përhapja e atyre pamjeve tejet private, njëra prej tyre është shtruar në spital. Lajmin për videot e përhapi gazetari i showbiz-it Elton Tozaj, i cili, pasi më në fund kuptoi se shpërndarja e atyre videove intime jo vetëm që nuk është etike për një gazetar, por përbën edhe vepër penale, aq më tepër nëse bëhet fjalë për video të regjistruara nga dikush pa dijeninë e grave të përfshira, siç supozon vetë Tozaj, publikoi sot një deklaratë të gjatë, në të cilën distancohet nga qarkullimi i videove, duke pretenduar se nuk ka asnjë përgjegjësi. Në të vërtetë, ishte vetë Tozaj ai që pranoi se i kishte shpërndarë videot duke bërë share, në intervista të shumta televizive të dhëna në orët e para pas shpërthimit të skandalit. Jo vetëm që pranoi se i kishte publikuar “për të vërtetuar se ekzistonin”, por pranoi gjithashtu se ua kishte shpërndarë edhe gazetarëve të tjerë, përfshirë kolegen që po e intervistonte në atë moment. Madje, edhe pasi ishte kontaktuar nga kolegë që i kishin kërkuar të hiqte materialet e publikuara, Tozaj deklaroi se nuk kishte ndërmend ta bënte: “Jam kontaktuar nga kolegë, më kanë kërkuar për t’i fshirë. Unë nuk fshij asgjë”, theksoi ai. Shpërndarja e videove të paligjshme, qoftë në platformat e mëdha, qoftë përmes WhatsApp-it, mbetet vepër penale. LEXO EDHE:Kur intimiteti bëhet armë, Shqipëria në kurthin e spektaklit Në këtë intervistë, Tozaj shpjegon edhe arsyet e denoncimit të tij, i cili, ndryshe nga sa thuhet në deklaratën publike të sotme, nuk synonte të mbronte gratë që ai sot i konsideron viktima të shantazhit seksual, por t’i denonconte sepse, sipas tij, kishin mashtruar publikun duke promovuar prej vitesh imazhin e familjeve model. Pra, Tozaj merr përsipër rolin e një hakmarrësi moral, që duhet të ndëshkojë, duke i denigruar publikisht, gra të cilat, ‘’megjithëse ishin këngëtare shumë të dashura, të martuara dhe kishin fëmijë’’, guxonin të kishin marrëdhënie me një burrë tjetër. Një rol i tillë moralizues nuk është aspak në kompetencën e një gazetari dhe, në një shoqëri laike e demokratike, nuk i takon askujt. Drejtësisë, përkundrazi, i takon të veprojë kundër atyre që, në emër të kësaj dëshire të pretenduar për hakmarrje morale, kryejnë një vepër penale duke shpërndarë video intime të vjedhura, në dëm të grave të përfshira në to. Share SI.E./E.H/Shqiptarja.com TAG: Elton Tozaj video intime videot intime te artisteve adi hila Sa e vlerësoni këtë artikull? ★ ★ ★ ★ ★ 4.2 / 5 (17 vlerësime) Faleminderit! LAJMET MË TË VLERËSUARA Komente Komento John: 02/10/2026 16:46 Hem…shihet nje sulm i TV shqiptare ne mbrojtje te “ vajzave “ celebrity. Te kujton ate pjesen humoristike te dikurshme te Fierit qe ia vune fajin te zotit te shtepise per vjedhjen…dhe fjalia famoze e tij “ Po dale mor…po ai qe vodhi,hajduti,spaska faj?! “Vajzat “ celebrity na paskan rene ne deshperim dhe mund te ….wow…cfare parade e shemtuar! Ato donin ,vajten dhe bene…e cfare pastaj?…eshte jete e tyre dhe jete e tij…le te bejne cte duan,te vetat i kane…shqiptare koti qe merren me idiotlliqe gjithe kohen…lerini njerezit te bejne cte duan kur jane konsent… TV shqiptare paskan marr detyren te ndreqin moralin…hem…apo te mbrojne te vetet per sa kohe gjerat behen ne fshehtesi. Lereni Hilen,lerini dhe “ vajzat “ ti zgjidhin gjerat mes tyre.Mos fusni hundet ne punet e te tjereve . Përgjigju Xxxxxx: 02/10/2026 16:44 Ky tozaj paska probleme serioze duhet te vizitohet.. Përgjigju Sondazhi i ditës:
30 Shtator, 16:02
Kufizim për arrestin në burg, a jeni dakord me ndryshimet e propozuara në Kodin e Procedurës Penale? Po 69.6% Jo 25.4% Jam i/e dyzyuar 5% Vota total: 3288 Votat totale janë unike Sondazhi i ditës: 30 Shtator, 16:02 Kufizim për arrestin në burg, a jeni dakord me ndryshimet e propozuara në Kodin e Procedurës Penale?