Në kohën kur vijon konflikti për pagat në sistemin gjyqësor dhe shumë gjykata i janë drejtuar Gjykatës Administrative të Shkallës së Parë, Apelit Administrativ, Apelit të Përgjithshëm dhe Gjykatës së Lushnjës, këto institucione kanë përpiluar listat e pagave dhe kanë veçuar listëpagesat e administratës nga ato të gjyqtarëve. Në këtë mënyrë, siç bën me dije gazetarja e Top Channel, Anila Hoxha, administrata në këto gjykata është paguar dhe u janë zhbllokuar pagat.
Ndërkohë, gjyqtarët e këtyre gjykatave do të vijojnë të presin zgjidhjen e situatës lidhur me pagat e tyre. Top Channel