Komisionerja europiane për Zgjerim, Marta Kos ka bërë me dije se Mali i Zi ka mbyllur tashmë më shumë se gjysmën e kapitujve të negociatave.
Në një postim në platformën “X”, Kos shkruan se këtë të martë Mali i Zi ka mbyllur kapitujt mbi Politikën e Konkurrencës dhe Bashkimin Doganor, duke e çuar totalin në 18 nga 33 kapituj negociues.
Komisionerja shkruan se reformat sipas këtyre dy kapitujve nënkuptojnë operimin sipas të njëjtave rregulla si në pjesën tjetër të BE-së, me më pak barrë administrative dhe më pak kontrolle në kufij, duke krijuar më shumë mundësi si për bizneset malazeze ashtu edhe për ato evropiane.
Ajo thekson se është koha që Mali i Zi të dyfishojë reformat dhe finalizojë procesin e integrimit.
Postimi i plotë: Mali i Zi ka mbyllur tashmë më shumë se gjysmën e kapitujve të negociatave. Në këtë Super të Martë për Zgjerimin, ai mbylli kapitujt mbi Politikën e Konkurrencës dhe Bashkimin Doganor, duke e çuar totalin në 18 nga 33 kapituj negociues. Reformat sipas këtyre dy kapitujve nënkuptojnë operimin sipas të njëjtave rregulla si në pjesën tjetër të BE-së, me më pak barrë administrative dhe më pak kontrolle në kufij, duke krijuar që sot më shumë mundësi si për bizneset malazeze ashtu edhe për ato evropiane. Tani është koha për të dyfishuar reformat dhe për ta çuar Malin e Zi në vijën e finishit. Montenegro has now closed more than half of its negotiating chapters.On this Super Tuesday for Enlargement, it closed the chapters on Competition Policy and the Customs Union, bringing the total to 18 out of 33 negotiating chapters.Reforms under these two chapters mean… pic.twitter.com/QU07mzXDng
— Marta Kos (@MartaKosEU) July 14, 2026 Ndërkohë kujtojmë se sot në Bruksel mbahet Konferenca e 9-të Ndërqeveritare Shqipëri- BE, ku pritet të bëhet progres në procesin e negociatave për anëtarësim.
Në fokus janë tre kapituj negociues që lidhen me fusha të rëndësishme si kërkimi shkencor, arsimi dhe kultura, si dhe marrëdhëniet me jashtë. Delegacioni shqiptar udhëhiqet nga kryeministri Edi Rama, ndërsa pala europiane ka vlerësuar përparimin e bërë nga Shqipëria gjatë procesit të reformave.
Komisionerja Kos, e ka cilësuar këtë ditë si një moment të veçantë për politikën e zgjerimit europian, pasi disa vende kandidate po ndërmarrin hapa të rëndësishëm njëkohësisht në procesin e integrimit. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.