Nënkryetari dhe deputeti i PD-së, Belind Këlliçi, ka hedhur akuza ndaj ministrit të Jashtëm, Ferit Hoxha.
Sipas Këlliçit, Hoxha i ka lehtësuar punën Beogradit që të hapë një konsullatë në Shkodër.
Nënkryetari i PD-së thekson se ky është një tjetër akt në interes të Beogradit dhe ndikimit të tij në rajon ashtu si dhe Ballkani i Hapur. “Pasi i quajti shqiptarët e Maqedonisë së Veriut idiotë, Ferit Hoxha ka një lajm të mirë për serbët. Ai ka lehtësuar punën që Beogradi të hapë një konsullatë në Shkodër.
Kjo bëhet e ditur nga Ministri i Jashtëm i Serbisë në një intervistë.
Po çfarë i duhet Serbisë një konsullatë në Shkodër?!
Ky është një akt tjetër në interes të Beogradit dhe ndikimit të tij në rajon. Ashtu sikurse ishte Ballkani i Hapur.
Padyshim Shqipëria duhet të ketë raporte të mira me fqinjet e në rajon, por kjo nuk duhet të përkthehet në çdo moment favorizim i Serbisë.
Një raport që niset nga miqësia personale e dy autokratëve të Balllkanit, Ramës me Vuçiç që ka demtuar Kosovën në jo pak raste dhe interesin tonë kombëtar”, shkruan Këlliçi./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.