Pronari i një lokali në zonën e Ish-Bllokut i është drejtuar redaksisë sonë për të kërkuar ndihmën e qytetarëve në identifikimin e një personi, i cili ka hyrë në ambientet e biznesit dhe ka vjedhur xhiron ditore.
Sipas pronarit, ngjarja ka ndodhur në orët e para të mëngjesit të sotëm, ndërsa personi është filmuar nga kamerat e sigurisë së lokalit.
Për identifikimin e autorit, pronari ka vënë në dispozicion pamjet filmike dhe ofron edhe një shpërblim për këdo që mund të japë informacion që ndihmon në identifikimin e tij.
Kushdo që e njeh personin në pamje ose disponon informacion të vlefshëm, ftohet të kontaktojë me redaksinë tonë.