Një qytetar, i cili ka kërkuar të mbetet anonim, i është drejtuar redaksisë së JOQ Albania për të denoncuar gjendjen e një rruge në Petrelë, Tiranë.
Sipas tij, një pjesë e rrugës është shembur prej më shumë se 8 muajsh, ndërsa deri tani nuk është ndërmarrë asnjë ndërhyrje nga Bashkia Tiranë.
Në pamjet e dërguara në redaksi shihet një rrugë e ngushtë e paasfaltuar, ku një pjesë e skarpatës është shembur dhe toka është gërryer pranë buzës së rrugës. Në zonën e dëmtuar duket edhe një tubacion i ekspozuar, ndërsa në distancë shihet Kalaja e Petrelës.
“Kjo është një rrugë në Petrelë, e cila ka më shumë se 8 muaj që është shembur dhe Bashkia Tiranë nuk ka marrë asnjë masë. Me fillimet e reshjeve të shiut, kjo rrugë do të shembet plotësisht.”
Banori shprehet i shqetësuar se reshjet e ardhshme mund të përkeqësojnë erozionin dhe të dëmtojnë më tej rrugën, duke vështirësuar lëvizjen e banorëve.
JOQ Albania publikon pamjet dhe denoncimin, ndërsa kërkon nga Bashkia Tiranë të verifikojë situatën dhe të ndërhyjë përpara se dëmtimi të përshkallëzohet. View this post on Instagram A post shared by JOQ News (@joqnews)