Komisionerja europiane për Zgjerimin, Marta Kos, prezantoi në Strasburg draftin për një qasje më ambicioze ndaj integrimit europian, duke propozuar një kornizë që kombinon anëtarësimin gradual me perspektivën e anëtarësimit të plotë në Bashkimin Europian.
Në prezantimin e saj, Kos theksoi se një nga elementet kryesore të propozimit është anëtarësimi gradual dhe rikthimi i anëtarësimit, duke e përshkruar këtë proces si një mënyrë për të shtuar mundësitë për vendet kandidate.
Sipas saj, integrimi gradual do t’u japë mundësi vendeve të shohin konkretisht se çfarë mund të sjellë ky proces për to. Kos nënvizoi gjithashtu se pjesëmarrja në politikat e BE-së duhet të jetë e lidhur me zbatimin e reformave dhe të fokusohet në interesa strategjike të përbashkëta.
“ Pika dy, një kornizë pune më ambicioze për integrimin, në prezantim status quo-në, e dyta anëtarësimi gradual dhe rikthimi i anëtarësimit. Anëtarësimi gradual ka të bëjë me shtimin e mundësive. Nuk është një zëvendësim për anëtarësimin e plotë, por shpejtues për zgjerimin, urë për stabilizimin e kontinentit tonë teksa kërkojmë dhe zgjerimin në bazë të meritokracisë. Ne do të shohim se çfarë mund të sjellë tek ne ky integrim gradual, kjo është diçka e mirë. Pjesëmarrja në politikat e BE-së duhet të jetë e kushtëzuar në reforma dhe e hapur vetëm për interesa strategjike të përbashkëta. E treta, propozojmë rrugë të sigurta për të ardhmen, të gjitha shtetet anëtare do të kenë të drejta të barabarta, për të qenë pjesë e BE-së duhet të jenë në të njëjtën linjë me standardet e drejtësisë dhe të mos shkojnë më poshtë. Propozojmë rregulla të forta për çdo shtet anëtar dhe për ligjin për demokracinë, të drejtat themelore dhe thyerjet serioze të bashkëpunimit.” Mos rri jashtë: bashkohu me ABC News. Ne jemi kudo! *KryesoreAktualitet