Valentin Ftoni, një prej personave të kërkuar prej vitesh nga autoritetet shqiptare, është arrestuar në Shtetet e Bashkuara të Amerikës, pas një periudhe të gjatë në arrati.
Operacioni u realizua falë bashkëpunimit mes autoriteteve shqiptare dhe atyre amerikane, ku rol në identifikimin dhe lokalizimin e tij patën Shërbimi i Marshallëve Amerikanë, Ambasada e SHBA-së në Tiranë dhe institucione të tjera ligjzbatuese.
Sipas dyshimeve të ngritura nga autoritetet, Ftoni ka përdorur identitete të ndryshme ndër vite, me qëllim shmangien e kapjes dhe fshehjen e vendndodhjes së tij.
Ai dyshohet për përfshirje në disa vrasje, ndërsa në Shqipëri është dënuar me 25 vite burg.
Arrestimi shënon një zhvillim të rëndësishëm në përpjekjet shumëvjeçare të autoriteteve për ta vënë atë përpara drejtësisë.