Erling Haaland vazhdon të konfirmojë se është një nga makineritë më të frikshme të golit që ka njohur ndonjëherë Champions League.
Sulmuesi norvegjez shënoi dy herë në fitoren 2-0 të Manchester City ndaj Portos në “Estádio do Dragão”, duke arritur një statistikë të jashtëzakonshme: 59 gola në 59 paraqitje në kompeticionin më të rëndësishëm europian për klube.
Pra, mesatarisht një gol për çdo ndeshje të luajtur në Champions League, një shifër thuajse e pabesueshme në nivelin më të lartë të futbollit europian.
Me golat ndaj Portos, 26-vjeçari ka kaluar Thomas Müllerin në listën e golashënuesve më të mirë të historisë së kompeticionit dhe tashmë renditet në vendin e shtatë.
Rekordet nuk ndalen me kaq. Haaland ka arritur gjithashtu në kuotën e 36 golave në Champions League me Manchester City, duke barazuar rekordin e Sergio Agüeros për klubin.
Por shifra që po bën xhiron e botës është vetëm një: 59 ndeshje, 59 gola. Erling Haaland po e kthen Champions League në territorin e tij.