Profesi i farmacistit mbetet një nga shtyllat më kryesore të sistemit shëndetësor, por zgjedhja e universitetit të duhur bën të gjithë diferencën në përgatitjen e profesionistëve të së ardhmes. I ftuar në studion e News24, Drejtuesi i Departamentit të Farmacisë në Universitetin Luarasi, Dr. Josif Risto, ka zbardhur të gjitha avantazhet që ofron ky program pesëvjeçar, duke e cilësuar atë si zgjedhjen më të kompletuar dhe më të sigurt për maturantët që kërkojnë një karrierë të suksesshme. Gjatë bisedës në studio, Dr. Risto nënvizoi se Universiteti Luarasi i kushton një vëmendje të jashtëzakonshme cilësisë mësimore dhe integrimit të teknologjisë më moderne. Më tej, drejtuesi i departamentit u ndal te roli kyç i farmacistit klinik në parandalimin e ndërveprimeve të dëmshme mes barnave dhe te rreziqet e vetëmjekimit nga të dhënat e pasakta në rrjetet sociale. Dr. Risto theksoi se garantët e vetëm të sigurisë terapeutike mbeten mjekët dhe farmacistët e trajnuar mirë. Përmes programit të integruar, Universiteti Luarasi u jep studentëve përgatitjen e nevojshme etike dhe profesionale për të garantuar mbrojtjen e plotë të shëndetit të pacientëve. Në përmbyllje të fjalës së tij, Dr. Risto vuri theksin te perspektiva e shkëlqyer e punësimit që garanton Universiteti Luarasi. Ndërthurja e teorisë me praktikën në laboratorë modernë dhe partneritetet me rrjetet e farmacive, spitalet, industrinë farmaceutike dhe laboratorët e kontrollit e bëjnë këtë diplomë një pasaportë të sigurt për tregun e punës.
Ai u bëri thirrje të gjithë maturantëve ta zgjedhin Universitetin Luarasi si një rrugëtim dinamik, dinjitoz dhe me përgjegjësi të lartë drejt një të ardhmeje të ndritur profesionale. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb