Rritja ekonomike, ulja e borxhit publik dhe kontrolli i inflacionit janë elementët që Petrit Malaj ka nënvizuar nga raporti për Shqipërinë i Fondit Monetar Ndërkombëtar. Ministri i Financave thotë se do të vijojë ndjekja e kësaj rruge me politika fiskale më të kujdesshme, rishpërndarje të shpenzimeve dhe zbatimi i reformave që e çojnë vendin më pranë BE. “Misioni i Fondit Monetar Ndërkombëtar përfi vlerësimin periodik të Shqipërisë për vitin 2026 mbi ecurinë e treguesve makroekonomikë dhe fiskalë. LEXO EDHE:FMN mbyll misionin për këtë vit: Protestat dhe emigracioni, rrezik për ekonominë! Pavarësisht goditjeve nga luftërat, Shqipëria ka ruajtur një performancë të fortë makroekonomike Ekipi i FMN-së vlerëson rritjen e fortë ekonomike të Shqipërisë, borxhin publik në ulje, si dhe aftësinë e ekonomisë shqiptare, për të mbajtur nën kontroll inflacionin. Të tre këto elementë i mundësojnë ekonomisë shqiptare që të jetë më e përgatitur për t'u përballur me goditje që mund të vijnë nga jashtë. Ministria e Financave do të vijojë me këtë rrugë duke ndjekur politika fiskale të kujdesshme, duke bërë një rishpërndarje më të drejtë të shpenzimeve buxhetore, si dhe duke ndjekur reformat të cilat e çojnë Shqipërinë më pranë Bashkimit Europian”, shprehet ai. Sipas vlerësimit të FMN, rritja ekonomike e Shqipërisë në 2027 parashikohet të shkojë drejt potencialit të saj afatmesëm prej rreth 3,2 për qind. Për paketën fiskale, shprehet se ka disa hapa për zgjerimin e bazës tatimore dhe reduktimin e trajtimeve preferenciale, por disa masa janë të patargetuara. FMN vlerëson se ulja e përhershme e TVSH-së për ushqimet dhe heqja e taksës së qarkullimit janë masa nga të cilat përfitojnë edhe shtresat të cilat nuk kanë nevojë për mbështetje. Për pensionet, FMN rekomandon reformimin e sistemit dhe lidhjen e moshës së daljes në pension me jetëgjatësinë. Fondi paralajmëron se konfliktet jashtë vendit dhe zgjatja e protestave në Shqipëri mund të dëmtojnë turizmin dhe investimet. P.J / A.E A.E Shqiptarja.com TAG: fmn paketa fiskale Petrit Malaj Ministria e Financave Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:
18 Nëntor, 11:04
A i reflekton shqetësimet e qytetarëve pr.buxheti 2027? Po 60% Jo 30.5% Nuk e di 9.5% Vota total: 2485 Votat totale janë unike Sondazhi i ditës: 18 Nëntor, 11:04 A i reflekton shqetësimet e qytetarëve pr.buxheti 2027?
