Federata Portugeze e Futbollit njoftoi dënimin e Cristiano Ronaldo-s pas vendimit të tij për t'u larguar nga qendra stërvitore e ekipit kombëtar para ndeshjes së Nations League kundër Danimarkës.
Ky veprim nga ana e kapitenit erdhi pas një mosmarrëveshjeje të fortë me trajnerin Jorge Jesus, i cili nuk e aktivizoi në ndeshjen kundër Norvegjisë pavarësisht se e kishte ngritur për nxehmje.
Për këtë thyerje disiplinore, sulmuesi u ndëshkua me një pezullim prej 30 ditësh nga ekipi kombëtar dhe një gjobë financiare prej 255 eurosh. Megjithatë, sipas gazetarit italian Fabrizio Romano, vetë CR7 i kërkoi Federatës që të ndëshkohej, pasi duket se e ka kuptuar gabimin dhe ka kërkuar falje për sjelljen e tij.
Ky dënim bën të qartë se sulmuesi i Al Nassr do të jetë i gatshëm për Portugalinë gjatë ndërprerjes së ardhshme për ndeshjet e ekipeve kombëtare në muajin nëntor. Në të njëjtën kohë, masa e lehtë e ndëshkimit të vendosur tregon përpjekjen e Federatës për të minimizuar rëndësinë e kësaj përplasjeje me trajnerin Jesus.
Në deklaratën e saj zyrtare, FPF theksoi se Këshilli Disiplinor vendosi të vërtetojë plotësisht akuzën, duke e shpallur fajtor të akuzuarin Cristiano Ronaldo dos Santos Aveiro për këtë shkelje. Ky vendim u mor bazuar në paragrafin 1 të nenit 160 të RDFPF, i cili parashikon dënimin specifik me 30 ditë përjashtim dhe gjobën përkatëse. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.