Isuf Jaçaj Emisioni “Në Shënjestër” në News24 ka zbardhur rrethanat e ekzekutimin e Isuf Jaçajt, 58-vjeçarit që humbi jetën pas shpërthimit të makinës së tij me tritol, më 5 tetor 2025, në Sarandë.
Sipas të dhënave të dosjes hetimore, Isuf Jaçaj kishte tentuar të komunikonte me të birin përmes telefonatave dhe mesazheve, duke i kërkuar të mos qëndronte në arrati, por të dorëzohej në organet e drejtësisë.
Kjo pasi i biri, Klaus Jaçaj ishte përfshirë në përplasjen e armatosur të ndodhur në ambientet e “Kozi Bistro”, në Sarandë.
Vetëm në pak kohë më vonë, 58-vjeçari u bë vetë objekt i një atentati me eksploziv.
Ndërkohë, automjeti me të cilin udhëtonte shpërtheu pas vendosjes së një sasie të konsiderueshme tritoli, duke i marrë jetën.
Jaçaj punonte në sektorin e turizmit, ku transportonte turistë me skaf përgjatë bregdetit të Sarandës. Ekzekutimi i tij me eksploziv tronditi qytetin bregdetar, ndërsa rrethanat dhe motivet e atentatit mbetën në fokus të hetimeve.
Mesazhet dhe telefonatat ku ai i kërkonte të birit të dorëzohej në polici janë ndër elementet që përmenden në këtë dosje hetimore./CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.

