Një ngjarje tragjike ka ndodhur mbrëmjen e sotme në fshatin Malbardh të Kurbinit, ku një vajzë vetëm 3 vjeçe ka humbur jetën si pasojë e një aksidenti në oborrin e banesës.
Sipas të dhënave paraprake, rreth orës 19:50, babai i së miturës, B. A., 45 vjeç, po manovronte një mjet bujqësor kur, në rrethana që ende po hetohen, ka goditur aksidentalisht vajzën e tij.
Përplasja ka rezultuar fatale për 3-vjeçaren, e cila nuk ka mundur t’u mbijetojë plagëve të marra.
Në vendin e ngjarjes kanë mbërritur shërbimet e policisë dhe grupi hetimor. Nën drejtimin e Prokurorisë po kryhen veprimet e nevojshme për të zbardhur plotësisht dinamikën dhe rrethanat e aksidentit të rëndë.