Richard Grenell është rikthyer në një prej destinacioneve të tij të preferuara, bregdetin shqiptar. Këtë herë ai është shfaqur sportiv pranë tabelave që tregojnë drejtimin për Vlorë dhe Radhimë, duke treguar se ka zgjedhur Shqipërinë për të kaluar disa javë me familjen dhe miqtë në fund të verës. LEXO edhe...Richard Grenell 'kryqëzon' Albin Kurtin për krizën politike: Nuk di të qeverisë, vetëm ankohet dhe krijon bllokada! Kërkon lirimin e Thaçit: Perëndimi e do në Kosovë! Pasionin për bregdetin shqiptar, Grenell e shpreh edhe në postimin që shoqëron foton. Ai veçon ujërat e Adriatikut dhe Jonit dhe ndjesinë që, sipas tij, i japin kripa dhe dielli. “Ujërat e Adriatikut dhe Jonit janë të mbushura me disa prej ujërave më të kripura në botë. Për mua janë shëruese”, shkruan Grenell. Pikërisht te kripa, ai bën edhe një ndërthurje me besimin, duke vendosur referencën “Mateu 5:13”. Vargu biblik të cilit i referohet përmban shprehjen “Ju jeni kripa e tokës”, ndërsa Grenell vijon më pas duke përshkruar ndjesinë e tij buzë detit. “Mund ta ndiej trupin tim duke përthithur kripën dhe diellin dhe duke u rigjallëruar”, shkruan ai. Për Grenell, Shqipëria është edhe zgjedhja për ditët e fundit të verës. “Disa javë në bregdetin e Shqipërisë janë vendi perfekt për ta mbyllur verën me familjen dhe miqtë. E dua këtë vend”, e mbyll ai postimin. Share U.D/E.H/ReportTv.al radhime Vlore Richard Grenell Komento Komente Sondazhi i ditës: Cili është shkaku i konflikteve në Shqipëri? Politika 56.7% Shoqëria 27.2% Social media 16.2% Vota total: 4190 Sondazhi i ditës: Cili është shkaku i konflikteve në Shqipëri?
