Komisioni Europian po shqyrton hapjen e një hetimi për importet e disa materialeve të ndërtimit nga vendet e Ballkanit, pasi dyshon se ato po përdoren për të shmangur tarifat që Bashkimi Europian ka vendosur ndaj produkteve kineze. Sipas burimeve të njohura me çështjen, hetimi do të përqendrohet te të ashtuquajturat rrjeta me fibra qelqi, materiale që përdoren kryesisht në sistemet e izolimit termik të ndërtesave dhe në sektorin e ndërtimit. LEXO edhe...Gjyqi ndaj Laert Haxhiut, dëshmon vëllai i Albi Bashaliut: Nuk e di kush e vrau, lajmin e mora nga televizioni Dyshimet janë se prodhuesit kinezë po dërgojnë fibra qelqi me kosto të ulët në disa vende të Ballkanit, ku ato përpunohen ose montohen në produkte përfundimtare. Më pas, këto produkte eksportohen drejt Bashkimit Europian, duke shmangur tarifat shtesë që Brukseli ka vendosur për importet e fibrave të qelqit nga Kina. BE-ja ka akuzuar prej vitesh prodhuesit kinezë se i shesin këto produkte në tregun europian me çmime shumë më të ulëta se vlera e tyre reale ose falë subvencioneve shtetërore. Për këtë arsye ka vendosur tarifa antidumping, pra taksa shtesë mbi importet, për të parandaluar konkurrencën e padrejtë ndaj prodhuesve europianë. Përveç tyre, janë vendosur edhe tarifa kundër subvencioneve, të cilat synojnë të neutralizojnë avantazhin që krijohet nga mbështetja financiare e shtetit kinez për kompanitë vendase. Nuk është hera e parë që Komisioni Europian ndërmerr masa të tilla. Vitet e fundit ai ka vendosur tarifa shtesë edhe ndaj fibrave të qelqit të prodhuara në Egjipt nga kompani kineze, pasi arriti në përfundimin se po përdorej e njëjta mënyrë për të anashkaluar rregullat tregtare të BE-së. Sipas shoqatës Glass Fibre Europe, e cila përfaqëson industrinë europiane të fibrave të qelqit, kapaciteti prodhues i Kinës tashmë është më i madh se e gjithë kërkesa e tregut të Bashkimit Europian. Sipas industrisë, kjo rrit rrezikun që importet me çmime të ulëta të dëmtojnë edhe më tej prodhuesit europianë nëse nuk merren masa të reja mbrojtëse. Hetimi i mundshëm vjen në një kohë kur marrëdhëniet tregtare mes Bashkimit Europian dhe Kinës janë bërë më të tensionuara. Brukseli po zhvillon negociata me Pekinin për të ribalancuar shkëmbimet tregtare, ndërsa Komisioneri Europian për Tregtinë, Maroš Šefçovič, pritet të vizitojë Kinën në tetor. Ndërkohë, Komisioni Europian ka paralajmëruar se është i gatshëm të përdorë instrumentet e mbrojtjes tregtare për të frenuar praktikat që i konsideron të padrejta. Sipas Euronews, Brukseli po shqyrton edhe masa të tjera, si tarifa apo kuota të reja, për të mbrojtur industrinë europiane, veçanërisht sektorin kimik, nga konkurrenca e importeve kineze me kosto të ulët. U.D/ReportTv.al Ballkan Komisioni Europian ndërtimi Komento Komente Sondazhi i ditës: Si iu duket propozimi i PS-së që nga 61 të kalohet në 46 bashki? I drejtë 68.1% I gabuar 25.7% Nuk kam mendim 6.2% Vota total: 354 Sondazhi i ditës: Si iu duket propozimi i PS-së që nga 61 të kalohet në 46 bashki?
