Këto ditë, qyteti i Durrësit është shndërruar në një nga pikat kyçe të zhvillimit të kinemasë evropiane, duke pritur një ndër laboratorët më elitarë të zhvillimit të skenarit në kontinent: Equinoxe Europe. Me një histori mbi 30-vjeçare, gjatë së cilës janë përpunuar skenarët e disa prej filmave më të famshëm dhe më të suksesshëm të dekadave të fundit, ky program i njohur ndërkombëtarisht vjen për herë të parë në Shqipëri. Kjo arritje e rëndësishme vjen si rezultat i bashkëpunimit të ngushtë me Qendrën Kombëtare të Kinematografisë (QKK). LEXO edhe...Përfn rruga Kombinat–Pezë, Karakaçi: Kontratë për 9 kilometrat e radhës, në nëntor hapet gara për segmentin deri në Plepa (VIDEO) Në fokus të edicionit të 31-të janë 10 projekte filmike premtuese, të përzgjedhura nga e gjithë bota, ku spikasin edhe dy projekte nga Shqipëria, të regjisorëve të rinj Erenik Beqiri dhe Redi Treni. Përgjatë 9 ditëve, rreth 8 konsulentë ndërkombëtarë profesionistë të skenarit punojnë ngushtë me autorët e rinj për të përmirësuar, thelluar dhe përshtatur skenarët e tyre drejt standardeve të prodhimeve të ardhshme kinematografike ndërkombëtare. Sjellja e një programi të tillë në Shqipëri dëshmon qartë vizionin e QKK-së dhe politikat e reja të ndjekura së fundmi: hapjen drejt tregut dhe industrisë ndërkombëtare dhe më shumë fokus te edukimi. Këto politika zhvillimore dhe strategjike nuk janë nisma të izoluara, por tashmë janë reflektuar qartësisht edhe në projektligjin e ri të kinematografisë dhe audiovizualit, me qëllim nxitjen e programeve që synojnë rritjen e cilësisë artistike të projekteve shqiptare, por edhe krijimin e kontakteve të vlefshme të rrjetëzimit (networking) për kineastët shqiptarë, duke shënuar një hap historik në modernizimin dhe integrimin e plotë të kinemasë shqiptare në tregun global. Share P.J/E.H/ReportTv.al Kinematografia Equinoxe Europe Durres Komento Komente Sondazhi i ditës: Ndëshkim financiar e penal dhunuesve në protesta, jeni dakord me masat? Po 73.7% Jo 23.1% Nuk e di 3.2% Vota total: 3999 Sondazhi i ditës: Ndëshkim financiar e penal dhunuesve në protesta, jeni dakord me masat?
