Dua Lipa po shijon disa ditë pushimi larg angazhimeve të saj profesionale, por edhe këtë herë nuk ka kaluar pa tërhequr vëmendjen e fansave.
Këngëtarja shqiptaro-britanike ka ndarë në rrjetet sociale disa momente nga arratisja e saj verore, ku shfaqet duke shijuar detin, diellin dhe shoqërinë e miqve.
Mes fotove dhe videove të publikuara, një moment i veçantë ka marrë vëmendjen e ndjekësve.
Dua shfaqet mbi një dërrasë paddleboard, në mes të ujit, duke realizuar një pozicion të vështirë yoga, ku qëndron mbi kokë dhe balancon trupin në mënyrë të përsosur.
Pamjet tregojnë këngëtaren duke ruajtur ekuilibrin mbi dërrasën që lëviz mbi ujë, ndërsa ajo duket tepër e qetë gjatë ushtrimit.
Videoja ka tërhequr vëmendjen për kontrollin dhe fleksibilitetin e saj fizik, ndërsa mediat e huaja e kanë cilësuar momentin si një nga më pikantët e pushimeve të saj.
Ndërkohë, krahas videos së veçantë, Dua ka publikuar edhe një seri fotosh nga pushimet, ku shfaqet me bikini dhe duke shijuar ditët me diell. View this post on Instagram A post shared by DUA LIPA (@dualipa)