Topi i futbollit me të cilin legjenda e ndjerë argjentinase Diego Armando Maradona shënoi golin e famshëm të “Dorës së Zotit” në Kupën e Botës 1986 do të nxirret në ankand këtë muaj në Shtetet e Bashkuara të Amerikës, në një shitje që pritet të kalojë shifrën e 10 milionë dollarëve. Ai gol, i shënuar në fitoren 2-1 të Argjentinës ndaj Anglisë në çerekfinalet e Botërorit (22 qershor 1986), është një prej momenteve më ikonike në historinë e futbollit. Maradona u ngrit në ajër dhe e shtyu topin me grusht, por arbitri nuk e vuri re shkeljen dhe e akordoi golin. Pas ndeshjes në Mexico City, ylli argjentinas tha se golin e kishte shënuar “pak me kokën e Maradonës dhe pak me dorën e Zotit”. Argjentina më pas u shpall kampione e botës pasi mposhti në finale Gjermaninë Perëndimore. LEXO EDHE:Plan terrorist për të sulmuar me bomba në një ndeshje të Botërorit 2026 dhe për të vrarë Lionel Messin, në shënjestër edhe Ronaldo Shtëpia e ankandeve 'Heritage Auctions', me seli në Teksas, pret që topi të shitet për një shumë me tetë shifra kur të dalë në ankand më 21-23 gusht. Oferta fillestare do të jetë 2.5 milionë dollarë. Fanella që Maradona veshi gjatë asaj përballjeje mes Argjentinës dhe Anglisë aktualisht mban rekordin si fanella më e shtrenjtë e futbollit, pasi u shit për 9.3 milionë dollarë. Në atë ndeshje, Diego, i cili ndërroi jetë në nëntor 2020, shënoi gjithashtu edhe “Golin e Shekullit”, i konsideruar si goli më i bukur në historinë e Kupës së Botës. Në atë kryevepër të futbollit, Maradona mori topin pranë vijës së mesfushës, dribloi pesë kundërshtarë. Më pas, pasi kaloi edhe portierin Peter Shilton, e dërgoi topin në rrjetë. Tensionet mes Argjentinës dhe Anglisë, dy rivalëve të vjetër, u ringjallën në një gjysmëfinale të Kupës së Botës 2026, ku skuadra amerikano-jugore fitoi 2-1, përpara se të humbiste finalen 1-0 ndaj Spanjës. Në aspektin politik, të dyja vendet kanë një mosmarrëveshje të gjatë mbi sovranitetin e Ishujve Falkland, të njohur në Argjentinë si Ishujt Malvine. S.Dh/Shqiptarja.com TAG: Boterori 2026 FIFA Diego Armando Maradona Komente Komento Sondazhi i ditës:
5 Gusht, 13:27
GJKKO kërkon të kufizojë aksesin e mediave dhe të drejtave të gazetarëve gjatë seancave, a jeni dakord? Po 34.3% Jo 60.9% Nuk e di 4.9% Vota total: 3068 Votat totale janë unike Sondazhi i ditës: 5 Gusht, 13:27 GJKKO kërkon të kufizojë aksesin e mediave dhe të drejtave të gazetarëve gjatë seancave, a jeni dakord?