Zëvendëskryeministrja dhe ministrja në detyrë e Punëve të Jashtme të Kosovës, Donika Gërvalla, sot ka depozituar Kallëzim Penal ndaj ministres serbe Snezhana Paunoviç. Kjo lëvizje vjen pas deklaratave skandaloze të ministres serbe, e cila tha se nëse do të kishte pasur mundësi do ta kishte ‘spastruar etnikisht Kosovën në vitin 1998’. LEXO edhe...Deklarata skandaloze për spastrim etnik të Kosovës, eurokomisionerja Kos: E çuditshme sesi Paunoviç vazhdon të jetë ministre në Serbi Gërvalla pas kallëzimit ka deklaruar se deklaratat publike që synojnë të justifikojnë spastrimin etnik dhe dëbimin e një populli nuk mund të trajtohen si retorikë e zakonshme politike, pasi sipas saj, ato mbajnë pasoja të rënda historike, juridike e njerëzore. Më tej, Gërvalla ka theksuar se Serbia ende nuk ka kërkuar falje për krimet e kryera ndaj popullit të Kosovës gjatë luftës, ku mbi 10 mijë civilë shqiptarë humbën jetën dhe 1,565 persona ende figurojnë të zhdukur. “Në cilësinë e Ministres së Drejtësisë kërkova nga Zyra e Kryeprokurorit të Shtetit që, në kuadër të kompetencave ligjore, të ndërmarrë të gjitha veprimet hetimore dhe të procedojë tutje me aktakuzë dhe kërkesë për shqiptimin e dënimit nga Gjykata kompetente. Serbia ende nuk ka kërkuar falje për krimet e kryera ndaj popullit tonë gjatë luftës në Kosovë. Mbi 10,000 civilë shqiptarë humbën jetën, 1,565 persona ende figurojnë të zhdukur, afër një milion qytetarë u dëbuan me dhunë, rreth 20,000 gra, burra e fëmijë u përdhunuan dhe mbi 100,000 shtëpi u shkatërruan dhe u dëmtuan rëndë. Këto ishin pasoja të një fushate sistematike të gjenocidit e spastrimit etnik të kryer nga regjimi serb në Kosovë, të shoqëruar me vrasje, dëbime, dhunë seksuale dhe trajtim çnjerëzor”, theksoi mes të tjerash ministrja Gërvalla. R.Xh/ReportTv.al Snezhana Paunoviç Spastrim etnik kosove Donika Gërvalla Komento Komente Sondazhi i ditës: Si e vlerësoni vendimin e PD për të bojkotuar seancat plenare? Të drejtë 10.7% Të gabuar 85.8% Nuk e di 3.6% Vota total: 3937 Sondazhi i ditës: Si e vlerësoni vendimin e PD për të bojkotuar seancat plenare?
