Presidenti Bajram Begaj ka dekretuar shkarkimin e Evis Salës nga detyra si ministre e Shëndetësisë. Po ashtu ka dekretuar dhe emërimin e Klodiana Spahiut në këtë post.
Pas dekretimit nga Presidenti, emërimi i Spahiut si ministre e Shëndetësisë pritet të miratohet në seancë plenare. Kujtojmë se Evis Sala njoftoi dorëheqjen e saj më 2 shtator, ndërsa u shpreh se vendimi erdhoi pasi ka pranuar disa angazhime ndërkombëtare në fushën e onkologjisë.
Një ditë më parë, kryeministri Edi Rama propozoi emrin e Klodiana Spahiut për këtë detyrë. Spahiu është deputete e Kuvendit të Shqipërisë që prej vitit 2009. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.