Lajme Zone
Dëbora zbardh malet në Kukës, asnjë problem me qarkullimin rrugor! Ndërpritet energjia elektrike në disa fshatra
Të tjeraReport TV
Ky artikull është pjesë e një historie me 2 burime — Krahaso mbulimin →

Dëbora zbardh malet në Kukës, asnjë problem me qarkullimin rrugor! Ndërpritet energjia elektrike në disa fshatra

Në zonat e larta malore, mbi 1,000 metra lartësi, në malet Gjallicë dhe Koretnik, gjatë orëve të fundit ka pasur reshje bore. Rrugët nacionale dhe ato bashkiake janë të ekspozuara ndaj rënies së gurëve, inerteve dhe vërshimit të ujërave. Subjektet kontraktore vijojnë punën për pastrimin dhe mirëmbajtjen e akseve rrugore

Qarku i Kukësit vijon të jetë nën ndikimin e kushteve të motit me kthjellime dhe reshje të lehta shiu, ndërsa në zonat e larta malore, mbi 1,000 metra lartësi, në malet Gjallicë dhe Koretnik, gjatë orëve të fundit ka pasur reshje bore. Sipas njoftimit të Prefekturës së Kukësit, si pasojë e reshjeve, rrugët nacionale dhe ato bashkiake janë të ekspozuara ndaj rënies së gurëve, inerteve dhe vërshimit të ujërave. Subjektet kontraktore vijojnë punën për pastrimin dhe mirëmbajtjen e akseve rrugore, me qëllim garantimin e qarkullimit. Aktualisht, të gjitha rrugët nacionale janë të qarkullueshme. LEXO edhe...Policia e Kukësit hedh poshtë lajmin për rrëmbimin e të riut: U përplas fizikisht me dy persona, e goditën atë dhe makinën me sende të forta! Xhaxha e nip në kërkim Ndërkohë, furnizimi me energji elektrike është ndërprerë në disa zona të qarkut. Në Kukës, pa energji elektrike janë fshatrat Nimçe dhe Kolesjan, ku, sipas OSHEE-së, për shkak të defekteve në kabinat elektrike, kanë mbetur pa energji 31 abonentë në Nimçe dhe 85 abonentë familjarë në Kolesjan. Probleme me furnizimin me energji raportohen edhe në fshatin Nikoliq të Hasit, si dhe në njësinë administrative Lekbibaj në Tropojë. Grupet e punës po ndërhyjnë për riparimin e defekteve dhe rikthimin e energjisë elektrike në zonat e prekura. Nga bashkitë Kukës, Has dhe Tropojë, deri më tani nuk ka raportime për problematika të tjera, apo bllokime të rrugëve. P.J/ReportTv.al Kukes energjia elektrike reshje debore Komento Komente Sondazhi i ditës: A i reflekton shqetësimet e qytetarëve pr.buxheti 2027? Po 59.9% Jo 30.6% Nuk e di 9.5% Vota total: 2474 Sondazhi i ditës: A i reflekton shqetësimet e qytetarëve pr.buxheti 2027?