Skuadra e Comos po regjistron një ecuri pozitive në Ligën e Kampioneve, duke u pozicionuar si ekipi italian me rezultatet më të mira falë 6 pikëve të grumbulluara në 3 ndeshjet e para. Skuadra e drejtuar nga trajneri Cesc Fabregas ka arritur të ndërtojë një lojë të organizuar që ndërthur saktësinë taktike me efikasitetin në fushën e lojës.
Pas fitores 4-1 kundër Leipzig dhe disfatës 3-2 përballë Feyenoord, skuadra italiane arriti një tjetër sukses të thellë me shifrat 4-1 ndaj anglezëve të Manchester United.
Protagonisti kryesor i këtij takimi ishte talenti argjentinas Nico Paz, i cili realizoi 2 gola. Mesfushori e zhbllokoi takimin pas vetëm 2 minutash lojë me një goditje të saktë, ndërsa më vonë shënoi golin e dytë personal pas një aksioni individual dhe një vrapimi prej 40 metrash.
Përveç realizimeve personale, Nico Paz dhuroi edhe asistin për sulmuesin Douvikas, i cili shënoi golin e 3-të dhe konfirmoi formën e tij duke gjetur rrjetën në secilën prej 3 ndeshjeve të para.
Për 20-vjeçarin argjentinas ky rikthim te goli në Evropë vjen 3 vite pasi kishte shënuar në këtë kompeticion me fanellën e Realit të Madridit. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.