1 Tetori, Dita Ndërkombëtare e të Moshuarve, synon të sjellë në vëmendje nevojat dhe problematikat me të cilat përballet kjo kategori. Por të moshuarit në Shqipëri hasen me një realitet të vështirë. Pensionistët shkodranë shprehen të shqetësuar për pensionet e ulëta dhe rritjen e kostos së jetesës, teksa kërkojnë më shumë vëmendje dhe mbështetje nga institucionet. Ata kritikojnë edhe mënyrën e qeverisjes së vendit. 1 Tetori shënon Ditën Ndërkombëtare të të Moshuarve, një ditë që synon të sjellë në vëmendje nevojat dhe problematikat me të cilat përballet kjo kategori. Por për shumë pensionistë në Shqipëri, realiteti i përditshëm mbetet i vështirë. Në Shkodër, ata shprehen të pakënaqur me nivelin e pensioneve, rritjen e çmimeve dhe kostot e jetesës, të cilat, sipas tyre, e bëjnë gjithnjë e më të vështirë përballimin e shpenzimeve bazë.Lexo edhe:Dallimet në komunikime të gjeneratës Z dhe kolegëve të tyre më të mëdhenj Krahas problematikave ekonomike, disa pensionistë shprehin edhe pakënaqësinë e tyre ndaj mënyrës së qeverisjes së vendit. Mes pensioneve të kufizuara dhe kostos së lartë të jetesës, pensionistët kërkojnë që nevojat e tyre të mos mbeten vetëm pjesë e diskutimit të një dite simbolike, por të jenë në fokus të politikave sociale gjatë gjithë vitit.
