Më 23 gusht të vitit 1998-të arrestohet 6 ish-zyrtarë të PD me akuzën e veprave të rënda penale për ngjarjet e vitit 1997-të dhe shpërdorim detyre. Gjyqi ndaj tyre solli shumë reagime dhe akuza në fillim të shtatorit ku nisën edhe protesta nga mbështetësit e PD-së. Edhe politika kishte mbajtur qëndrime për këtë gjyq por kishte edhe përçarje madje brenda vet organit të akuzës. Në qëndrime përplaseshin Prokurori i Përgjithshëm Rakipi me zëvendësin e tij Dizdari. Titulli kryesor i Gazetës Shqiptare i datës 11 shtator 1998-të ishte ky: “Arrestimet në PD përçajnë Prokurorinë”. Ky argument ishte zhvillim kryesor edhe në botimet e partive politike në gazetat RD e ZP.
