Qeveria e Austrisë njoftoi të hënën se planifikon të rrisë shërbimin e detyrueshëm ushtarak me tre muaj, nga gjashtë në nëntë muaj.
Kancelari Christian Stocker, në një konferencë për shtyp në Salzburg, tha se situata e sigurisë ka ndryshuar rrënjësisht vitet e fundit. “Ëndrra e paqes së qëndrueshme në Evropë është shkatërruar nga lufta agresive e Rusisë kundër Ukrainës", tha kancelari. Tanimë qeveria e koalicionit trepartiak do të zhvillojë konsultime me Partinë e Lirisë (FPÖ) të ekstremit të djathtë dhe të Gjelbrit, pasi reforma kërkon një shumicë prej dy të tretash në parlament për t'u miratuar. Qeveria austriake vlerëson se masa mund të hyjë në fuqi më 1 janar 2027./CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.