Gjykata e Posaçme la sot në fuqi masën “arrest në burg” ndaj Ergys Agasit, ndërsa avokati i tij, Maks Haxhia, pas seancës ngriti pikëpyetje mbi akuzat dhe provat e paraqitura ndaj klientit të tij. Sipas Haxhisë, gjatë seancës u konfirmua se ndaj Agasit nuk qëndron më akuza për heqjen e paligjshme të lirisë, ndërsa është shtuar akuza për korrupsion pasiv.
Pikërisht për këtë akuzë të re, avokati pretendoi se nuk iu paraqit asnjë provë që të tregojë se Agasi ka marrë para apo përfitime në këmbim të ndikimit të tij.
Mbrojtja kundërshtoi gjithashtu pretendimet për përfshirjen e Agasit në tenderat e AKSHI-t. Sipas Haxhisë, klienti i tij nuk ka marrë pjesë në tendera, nuk ka përfituar fonde publike dhe nuk ka pasur marrëdhënie financiare me ish-drejtoreshën e AKSHI-t, Mirlinda Karçanaj.
Një tjetër pikë e deklaratës së Agasit në gjykatë, sipas avokatit, lidhej me periudhën gjatë së cilës ai ishte shpallur në kërkim. Mbrojtja kundërshton interpretimin se kjo periudhë provon automatikisht rrezik largimi.
Pavarësisht argumenteve të mbrojtjes, GJKKO vendosi të mbajë në fuqi masën “arrest në burg”.
Haxhia bëri të ditur se beteja ligjore për masën dhe akuzat ndaj klientit të tij do të vijojë.
Pretendimet e bëra nga mbrojtja pas seancës përbëjnë qëndrimin e saj mbi dosjen. Provat dhe kundërargumentet e SPAK do të jenë pjesë e procesit që vijon.
“Problemi është që akuza e heqjes së paligjshme të lirisë në drejtim të zotit Agasi me analizat që iu bënë provave të administruara dhe vendimeve të prokurorisë, tregoi dhe çoi në çlirimin e kësaj akuze në ngarkim të zotit Agasi. Ajo që na bëri optimist është se organi i akuzës,
Akuza për korrupsion pasiv, pasiguria e materialit të paraqitur deri tani e ka ndjekur akuzën për të qëndruar në pozitat e presionit ndaj gjykatës, sot u paraqit kjo akuzë.
Klienti foli dhe dha shpjegime dhe insistoi e provoi se nuk ka qenë kurrë pjesëmarrës në tendera, nuk ka apsur asnjë përfitim dhe nëpërmjet tenderimin dhe nuk ka qenë pjesë e grupeve kriminale në presione të ndryshme”, u shpreh avokati Maks Haxhia. Top Channel