Një aksident i rëndë është regjistruar ditën e sotme në minierën e Martaneshit, ku një minator ka humbur jetën gjatë ushtrimit të detyrës. Sipas informacioneve paraprake, punonjësi ka pësuar një aksident në ambientet e minierës, duke mos mundur t’u mbijetojë plagëve të marra.
Pas marrjes së njoftimit, në vendngjarje janë nisur shërbimet e Policisë dhe grupi hetimor, të cilët do të kryejnë veprimet e nevojshme për dokumentimin e plotë të ngjarjes. Deri më tani, nuk bëhet i ditur identiteti i viktimës.
Ndërkohë, grupi hetimor pritet të kryejë ekspertizat dhe të mbledhë provat në vendin e aksidentit, me qëllim zbardhjen e rrethanave dhe shkaqeve që çuan në humbjen tragjike të jetës së minatorit.