Situata është tensionuar përpara Ministrisë së Arsimit, ku protestës studentore i janë bashkuar edhe mbështetës të Partisë Demokratike, të cilët më herët marshuan nga Kryeministria drejt këtij institucioni.
Pavarësisht pranisë dhe mbështetjes së demokratëve, studentët kanë vijuar të artikulojnë thirrjet e tyre kundër kryeministrit Edi Rama dhe kreut të Partisë Demokratike, Sali Berisha. Sloganet e tyre kanë shprehur pakënaqësi ndaj të dy drejtuesve politikë.
Mes parullave të dëgjuara gjatë protestës ishin: “Rama në burg, Berisha në burg”, “Poshtë komunistët”, “Poshtë patronazhistët” dhe “Arresto Berishën”. Thirrjet kanë shoqëruar tubimin përpara Ministrisë së Arsimit, ku situata është tensionuar nga ndërthurja e protestës studentore me praninë e mbështetësve të opozitës.