Të shohësh një eklips diellor ose hënor mund të jetë një përvojë mahnitëse. Këto dukuri ndodhin kur Dielli, Toka dhe Hëna rreshtohen në mënyrë të tillë që Hëna ose Dielli të mbulohet përkohësisht. Para se shkenca t’i shpjegonte, eklipset shpesh ngjallnin frikë, supersticion dhe madje ndikonin në vendime historike. 22 tetor 2134 para Krishtit: Eklipsi që solli vdekjen e dy astronomëveLexo edhe:Ndryshimi i klimës lë 560 milionë fëmijë përballen me stres shtesë nga nxehtësia çdo vit Një nga dëshmitë më të hershme për një eklips gjendet në dokumentin e lashtë kinez Shu Ching. Historianët besojnë se bëhet fjalë për eklipsin diellor të vitit 2134 para Krishtit. Sipas legjendës, dy astronomë të oborrit, Hsi dhe Ho, ishin dehur dhe nuk arritën ta parashikonin eklipsin. Për këtë dështim, perandori i dënoi me vdekje. 28 maj 585 para Krishtit: Eklipsi që ndali një luftë Sipas historianit grek Herodot, një eklips i plotë diellor ndaloi papritur luftimet mes lidianëve dhe medëve në Anadoll. Gjatë betejës, qielli u errësua dhe Dielli u zhduk pas Hënës. Ushtarët e morën këtë si një shenjë nga perënditë se lufta duhej të përfnte. Ata ulën armët dhe nisën negociatat për një armëpushim. 27 gusht 413 para Krishtit: Eklipsi hënor që dëmtoi Athinën Gjatë luftës së Peloponezit, athinasit po humbnin betejën kundër Sirakuzës në Siçili. Komandanti Nikia vendosi të tërhiqej, por një eklips hënor e trembi dhe e bindi të shtynte nisjen. Sirakuzianët shfrytëzuan vonesën për të sulmuar sërish. Athinasit u mundën dhe disfata shënoi fillimin e rënies së fuqisë së Athinës. 29 shkurt 1504: Eklipsi që mund t’i ketë shpëtuar Kolombit Kristofer Kolombi dhe ekuipazhi i tij mbetën të bllokuar në Xhamajkë pasi anija u dëmtua. Banorët vendas fillimisht u dhanë ushqim, por më pas e ndërprenë ndihmën. Kolombi, pasi mësoi nga almanaku i tij se po afrohej një eklips hënor, thuhet se i paralajmëroi se Hëna do të bëhej e kuqe nga zemërimi i perëndive. Pas eklipsit, vendasit dyshohet se rifilluan t’u jepnin ushqim. Historianët e shohin këtë histori me skepticizëm. 7 gusht 1869: Eklipsi që ndihmoi një ekspeditë në Alaskë Astronomi amerikan George Davidson udhëhoqi një ekspeditë në Alaskë, ku vendasit Çilkët ishin fillimisht armiqësorë ndaj amerikanëve. Davidson u shpjegoi se kishte ardhur për qëllime shkencore dhe se dëshironte të vëzhgonte eklipsin e plotë diellor. Pas eklipsit, ai dhe grupi i tij mundën të vazhdonin eksplorimin pa incidente. 29 maj 1919: Eklipsi që konfirmoi teorinë e Ajnshtajnit Gjatë një eklipsi të plotë diellor, fizikani Arthur Eddington dhe shkencëtarë të tjerë matën pozicionin e yjeve pranë Diellit. Vëzhgimet treguan se drita e yjeve përkulej nga graviteti i Diellit. Ky rezultat ishte një nga konfirmimet e para të teorisë së relativitetit të përgjithshëm të Albert Ajnshtajnit.
