E vetmja siguri pas zgjedhjeve të mesit të mandatit është se Trump do të fillojë të shohë fundin e karrierës së tij presidenciale, pasi ai nuk mund të kandidojë në zgjedhjet e vitit 2028. Donald Trump Sondazhet po tregojnë gjithnjë e më shumë se Presidenti i SHBA-së Donald Trump dhe republikanët kanë vlerësime të ulëta miratimi, vetëm disa javë para zgjedhjeve të mesmandatit në SHBA, të cilat mund t'i kushtojnë partisë së presidentit shumicën në Kongres dhe të ndryshojnë hartën politike në Uashington për dy vitet e ardhshme.
Në zgjedhjet e mesmandatit më 3 nëntor, demokratët po kërkojnë të marrin kontrollin e Dhomës së Përfaqësuesve ose të Senatit apo edhe të të dyja dhomave. Nëse e bëjnë këtë, ata do të jenë në gjendje të bllokojnë axhendën legjislative të Trump dhe të nisin hetime kongresive ndaj tij dhe bashkëpunëtorëve të tij, të cilët i akuzojnë për korrupsion.
Udhëheqësi i Demokratëve në Dhomën e Përfaqësuesve, Hakeem Jeffries, parashikoi se kandidatët e partisë "do të rifitojnë shumicën" në këtë organ parlamentar, duke vlerësuar se "amerikanët nuk e besojnë atë që republikanët e lëvizjes MAGA po u shesin".
Një humbje në zgjedhjet e mesit të mandatit do t'i jepte një goditje të konsiderueshme ambicieve të Trump për dy vitet e fundit të mandatit të tij. Dhe për momentin, të gjitha sondazhet tregojnë se kjo do të ndodhë: një sondazh i kohëve të fundit i Universitetit Emerson u jep demokratëve një epërsi prej 11 pikësh në nivel kombëtar.
Edhe pse ky lloj sondazhi i përgjithshëm "nuk kap specifikat e secilës garë zgjedhore, ai është një tregues i rëndësishëm për vlerësimin e shkallës së një vale të mundshme në favor të demokratëve", vlerësoi Spencer Kimball, drejtor ekzekutiv i Emerson Polling.
Ai theksoi gjithashtu se "votuesit hispanikë që iu drejtuan Trumpit në vitin 2024" sot preferojnë 64% të demokratëve ndaj 31% të republikanëve.
Popullaritet i ulët
Vetë Trump po e sheh gjithashtu rënien e popullaritetit të tij.
"Tradicionalisht, partia opozitare është në një pozicion më të mirë" para zgjedhjeve të mesit të mandatit, shpjegoi Julian Zelizer, profesor i historisë politike në Universitetin e Princetonit.
Por përtej kësaj, "presidenti aktualisht po përballet me vlerësime historikisht të ulëta", shtoi ai.
Vlerësimi i miratimit të Trump ka rënë në 37%, sipas sondazhit të fundit të Wall Street Journal. Ky është vlerësimi më i ulët për një president para zgjedhjeve të mesit të mandatit në 36 vitet që gazeta ka kryer sondazhe.
Amerikanët fajësojnë kryesisht Trumpin për dështimin në uljen e kostos së jetesës, pavarësisht faktit se ky ishte premtimi i tij kryesor i fushatës. Për më tepër, presidenti amerikan, së bashku me Izraelin, filluan një luftë kundër Iranit që ai nuk duket se është në gjendje ta përfjë.
Pavarësisht popullaritetit të tij të ulët, miliarderi po bën gjithçka që mundet për t'i kthyer zgjedhjet e mesit të mandatit në një referendum për veten e tij. "Bëjeni sikur jam kandidati", u tha ai mbështetësve në Dallas në mesin e shtatorit.
Në të njëjtën kohë, ai ka filluar një turne të madh fushate 32-ditor në të gjithë vendin.
"Ata duan që unë të vij", siguroi ai të martën.
Kandidatë republikanë distancohen nga Trump
Gjithnjë e më shumë kandidatë republikanë po distancohen nga Trump, duke bërë thirrje për t'i dhënë fund luftës në Iran dhe për të marrë më shumë masa për të adresuar koston e jetesës.
"Z. President, disa nga masat tuaja të kontrollit të imigracionit kanë qenë të tepërta", tha Maria Elvira Salazar, një përfaqësuese republikane nga Florida, në një video të fushatës së kohëve të fundit.
Në Teksas, Iowa, Ohio dhe Alaska, shtete që Trump fitoi në zgjedhjet presidenciale të vitit 2024, demokratët tani mund të ëndërrojnë të fitojnë një vend në Senat.
Por Shtetet e Bashkuara duken larg një vale gjithëpërfshirëse demokrate.Republikanët kanë avantazhin ekonomik dhe për këtë arsye mund të bombardojnë televizionet me reklama fushate në javët e fundit para zgjedhjeve.
Për më tepër, rindarja e zonave zgjedhore që u zhvillua në shumë shtete të udhëhequra nga republikanët gjatë vitit të kaluar ka zvogëluar numrin e vendeve në Dhomën e Përfaqësuesve që demokratët mund të shpresojnë realisht të fitojnë.
E vetmja siguri pas zgjedhjeve të mesit të mandatit është se Trump do të fillojë të shohë fundin e karrierës së tij presidenciale, pasi ai nuk mund të kandidojë në zgjedhjet e vitit 2028.
Pastaj do të fillojë gara për të zgjedhur pasardhësin e tij.zgjedhjet e mesit të mandatit në shba Lini një Përgjigje Anuloje përgjigjen Rajoni dhe Bota Detyroi Sánchez të çojë vendin në zgjedhje të parakohshme, historia e 87-vjeçares që tronditi Spanjën 5 Tetor 2026, 12:2112:21Rajoni dhe Bota Tufa me para dhe makina luksoze në TikTok, arrestohet vajza e bosit të famshëm të kokainës 5 Tetor 2026, 11:3211:32Rajoni dhe Bota Irani përgatit gratë për luftë, nis trajnimi ushtarak me armë 5 Tetor 2026, 11:2911:29Rajoni dhe Bota Nafta nga Gjiri rikthehet në nivelet e mëparshme, pse vazhdon të shtrenjtohet në tregjet ndërkombëtare? 5 Tetor 2026, 11:0911:09Rajoni dhe Bota Zbuloi lidhjet e Sekretarit të Tregtisë të SHBA-së me Epstein, gjendet i pajetë ish-bankieri britanik 5 Tetor 2026, 10:5510:55Rajoni dhe Bota Vala e protestave në Francë, mbyllen 500 shkolla; mbi 5 mijë persona të arrestuar 5 Tetor 2026, 10:1610:16Rajoni dhe Bota