Presidenti i Ukrainës, Volodymyr Zelensky, ka kundërshtuar zhvillimin e zgjedhjeve gjatë luftës me Rusinë, duke deklaruar se një proces i tillë në këtë moment “do ta copëtonte Ukrainën” dhe do të luante në favor të presidentit rus Vladimir Putin. “Besoj se gjatë një lufte si kjo, zgjedhjet mbartin rreziqe të mëdha. Një votim tani do të ishte një cunami për shtetin, që do ta copëtonte Ukrainën”, u tha Zelensky gazetarëve. LEXO edhe...Gjermania armatoset kundër Putinit, 12 miliardë euro për raketa që godasin deri 2 mijë kilometra larg Deklaratat e tij vijnë pasi ish-ministri i Mbrojtjes, Mykhailo Fedorov, i shkarkuar nga detyra në korrik pas një riorganizimi të qeverisë, bëri thirrje këtë javë për mbajtjen e zgjedhjeve. Sipas Zelenskyt, organizimi i zgjedhjeve në mënyrë të sigurt, legjitime dhe demokratike, me pjesëmarrjen e ushtarëve në vijën e frontit dhe të qytetarëve që janë larguar jashtë vendit për shkak të luftës, kërkon kushte që aktualisht nuk ekzistojnë. Ai argumentoi se kjo është e pamundur për sa kohë presidenti rus Vladimir Putin refuzon të shqyrtojë çdo mundësi për armëpushim. Zelensky shtoi se objektivi i tij mbetet ta udhëheqë Ukrainën deri në përfundimin e luftës dhe të ruajë pavarësinë dhe sovranitetin e vendit. Fedorov, i cili është shfaqur si një rival politik i presidentit, ka deklaruar se qytetarët nuk mund të jetojnë pafundësisht pa e ditur pse merren vendime të caktuara. Megjithatë, thirrja e tij është kritikuar si nga aleatët e Zelenskyt ashtu edhe nga përfaqësues të opozitës, të cilët argumentojnë se zgjedhjet, të pezulluara për shkak të gjendjes së luftës që prej pushtimit rus në vitin 2022, do të forconin pozitën e Kremlinit dhe do të krijonin përçarje brenda Ukrainës. U.D/ReportTv.al lufta ne ukraine Volodymyr Zelensky vladimir putin mykhailo fedorov Komento Komente Sondazhi i ditës: Si po menaxhohet situata me zjarret? Mirë 68.4% Keq 24.2% Nuk e di 7.4% Vota total: 326 Sondazhi i ditës: Si po menaxhohet situata me zjarret?
