Socialistët dhe demokratët bashkuan votat në Komisionin e Ekonomisë dhe miratuan projektligjin për pjesëmarrjen e Forcave të Armatosura në operacionin ushtarak të Forcës Ndërkombëtare të Stabilitetit, në Gaza. “Në operacion do të marrin pjesë deri në 40 efektivë të forcave të armatosur të Republikës së Shqipërisë. Detyrat e tyre do të përfshijnë mbështetjen e operacioneve të sigurisë dhe të stabilitetit, mbrojtjen e personelit dhe infrastrukturës së misionit, mbështetjen e operacione humanitare si dhe monitorimin dhe raportimin e situatës së sigurisë”, tha zëvendësministri i Mbrojtjes Enkelejdi Joti. Pjesëmarrja e trupave shqiptare do të shoqërohet edhe me kosto për buxhetin e shtetit. Të gjithë ushtarakët që do marrin pjesë në operacion krahas pagës së tyre mujore do të marrin edhe një pagesë ekstra si dhe do të jenë të mbuluar dhe nga sigurimet e nevojshme LEXO EDHE:Pagat e magjistratëve/ Mazhoranca drejt miratimit të rritjes sa 2% e pagës së Presidentit: Ruajmë balancën në buxhet! Opozita kundër: Situata prej arrogancës së Qeverisë “Në terma financiar kostoja për një ushtarak mund të arrijë në një tur gjashtë mujor të tij në vlerën 4 milionë e 1 mijë lekë”, tha nënkoloneli Florenc Mihali. Praktikisht nëse në misionin paqeruajtës në Gaza do të angazhohen 40 ushtarakë për një periudhë 6 mujore kostoja në buxhet do të ishte mesatarisht 164 milionë lekë ose rreth 1.7 milionë euro. Por jo të gjithë do të shkojnë që në fillim “Do dërgohet një personel për tre-katër vetë që do shërbejnë në shtabin e komandës, e cila do krijojë kushtet dhe do koordinojë për të dërguar pjesën tjetër në mision. Nuk do përfshihemi në detyra luftarake, por thjesht në detyra humanitare”, tha kolonel Ernest Resulaj. Prania e trupave shqiptare në operacionin ushtarak në Gaza është pjesë e angazhimit të vendit në Bordin e Paqes, një nismë e presidentit amerikan Donald Trump. G.M./E.H/Shqiptarja.com TAG: ernest resulaj florenc mihali enkelejdi hoti projektligji komisioni i ekonomise bordi i paqes Sa e vlerësoni këtë artikull? ★ ★ ★ ★ ★ 3.0 / 5 (2 vlerësime) Faleminderit! LAJMET MË TË VLERËSUARA Komente Komento Sondazhi i ditës:
15 Shtator, 12:58
Gjykata e Lartë la në burg Erion Veliajn, si e vlerësoni? Të drejtë 27.3% Të gabuar 66.3% Nuk e di 6.3% Vota total: 523 Votat totale janë unike Sondazhi i ditës: 15 Shtator, 12:58 Gjykata e Lartë la në burg Erion Veliajn, si e vlerësoni?