Zbardhet dëshmia e Poli Boriçit, 52-vjeçarit të arrestuar për atentatin e dështuar dje në Elbasan ndaj 50-vjeçarit Ermir Kërtezi. Para hetuesve, Boriçi mësohet të ketë deklaruar se sulmin e ndërmori për t’u hakmarrë për vëllain e tij, të cilin sipas tij Kërtezi e kishte plagosur rreth 15 vite më parë, duke i shkaktuar pasoja të rënda shëndetësore.
Megjithatë, kjo dëshmi është vetëm një prej pistave që po verifikohen nga grupi hetimor. Përballë saj qëndron deklarimi i vetë Ermir Kërtezit, i cili ka mohuar ekzistencën e një konflikti të vazhdueshëm mes tyre.
50-vjeçari ka deklaruar se marrëdhëniet mes dy familjeve ishin normalizuar prej vitesh dhe se ata jetonin pranë njëri-tjetrit pa pasur probleme apo përplasje gjatë periudhës së fundit.
Pikërisht për këtë arsye, hetuesit po përpiqen të verifikojnë nëse konflikti i pretenduar nga Boriçi ka qenë realisht motivi i atentatit apo nëse pas ngjarjes fshihet një tjetër shkak.
Policia ndërhyri menjëherë pas sulmit dhe bëri të mundur arrestimin e 52-vjeçarit, ndërsa Kërtezi arriti t’i shpëtojë atentatit pasi arma e tipit pistoletë u bllokua.
Prokuroria po verifikon gjithashtu deklarimet e të dyja palëve për të përcaktuar motivin dhe përgjegjësitë penale. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm