Dy vëllezër të vrarë dhe një i plagosur rëndë. Ky është bilanci i ngjarjes tragjike të regjistruar mesditën e së hënës në Bathore. Autori i ngjarjes Ngushëllim Manzit, ka dhënë dëshminë e tij për ngjarjen e rëndë.
Sipas dëshmisë së Ngushëllim Manzit, konflikti nisi për shkak të punimeve që po kryenin vëllezërit Islamaj pasi betonierja kalonte përpara banesës së tij.
Ai pretendon se u kishte kërkuar të përdornin një rrugë alternative, pasi betonierja duhej të kryente disa manovra për të kaluar, por kërkesa e tij ishte pritur me kundërshtime. Manzi ka deklaruar se Shefqet Islamaj kishte shtyrë dhe goditur prindërit e tij. Pasi mësoi për ngjarjen, ai goditi Shefqet Islamajn. Më pas, në konflikt ndërhynë edhe dy vëllezërit e tij.
Sherri agravoi dhe sipas dëshmisë së tij, Manzi nxori pistoletën dhe qëlloi ndaj tyre./abcnews.al Mos rri jashtë: bashkohu me ABC News. Ne jemi kudo! *KryesoreAktualitet