Teksa vendi prej 10 ditësh është përfshirë nga protesta masive ku rinia shqiptare kërkon dorëheqjen e Ramës, vjen një reagim nga deputetja e PS-së, Zegjine Çaushi. Kjo e fundit u ka dhënë leksione të rinjve, duke u propozuar që të pranojnë ftesën e Ramës për dialog. Ajo theksoi se çdo pakënaqësi e të rinjve duhet të dëgjohet dhe çdo shqetësim meriton zgjidhje. “Mirëmëngjes, të dashur miq! Teksa po shkoj sot në seancën plenare, rrugëve të Tiranës, pasojat e dhunës së ditëve të fundit janë të dukshme dhe natyrshëm më lind pyetja: A është kjo Tiranë që duam të shohin të gjithë? Pas këtyre pamjeve ka më shumë sesa dëme materiale. Pas çdo institucioni të dëmtuar, ka njerëz që punojnë, dhe pas çdo biznesi të shkatërruar, ka familje që jetojnë me mundin dhe sakrificat e tyre. Çdo pakënaqësi e juaja meriton të dëgjohet dhe çdo shqetësim meriton zgjidhjen e duhur. Zgjidhja e duhur vjen përmes dialogut, jo dhunës. Të dashur rinj dhe të reja, Tirana dhe Shqipëria meritojnë të ecin përpara, me qetësi, përgjegjësi dhe sytë nga Europa.”, shprehet deputetja. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
