Myrto Uzuni ishte heroi i padiskutueshëm i Austin në sfidën ndaj Puebla-s në Leagues Cup, duke realizuar të tre golat e fitores 3-0. Sulmuesi i Kombëtares shqiptare dhuroi një paraqitje spektakolare, duke e zgjidhur ndeshjen që në pjesën e parë. Uzuni e nisi spektaklin që në minutën e 4-t, kur ekzekutoi në mënyrë perfekte një goditje dënimi dhe dërgoi topin në rrjetë për avantazhin e Austin. Pas golit, sulmuesi shqiptar festoi në mënyrë të veçantë, duke bërë me duar një kurorë dhe duke e vendosur në kokë dhe duke festuar para tifozëve. An Uzuni banger from outside the box! 🇦🇱 pic.twitter.com/mUWptF0xRi
— Austin FC (@AustinFC) August 10, 2026 Vetëm tre minuta më vonë, Uzuni goditi sërish. Sulmuesi u tregua i vëmendshëm brenda zonës dhe, pas një depërtimi në qendër, e dërgoi topin për herë të dytë në rrjetë, duke dyfishuar avantazhin e skuadrës amerikane. 2️⃣ in 3️⃣ minutes for Myrto! 🦁👑 pic.twitter.com/r3MOlG1VgA
— Austin FC (@AustinFC) August 10, 2026 Por shqiptari nuk u ndal me kaq. Në minutën e 33-të, pas ekzekutimit të një goditjeje këndi, Uzuni realizoi edhe golin e tretë personal. Ai goditi spektakolarisht fluturimthi, duke kompletuar tripletën dhe duke vulosur fitoren e Austin që në 45 minutat e para. SCREAMER ON THE VOLLEY FOR A HAT TRICK! 🎯 pic.twitter.com/fo9Xr6QvL3
— Austin FC (@AustinFC) August 10, 2026 Një mbrëmje për t’u mbajtur mend për Myrto Uzunin, i cili me tre golat e tij u shndërrua në protagonistin absolut të Austin në këtë përballje të Leagues Cup. Top Channel