Një ngjarje tragjike tronditi Berlinin mbrëmjen e së shtunës, kur një automjet u përplas me turmën e pjesëmarrësve në eventin Christopher Street Day (Berlin Pride), duke lënë një person të vdekur dhe të paktën 16 të plagosur. Incidenti ndodhi pak pas orës 22:00 me orën lokale në zonën Tiergarten, ku mijëra qytetarë ishin mbledhur për festimet e Berlin Pride. Sipas Policisë së Berlinit, një furgon i vogël i bardhë hyri me shpejtësi të lartë në zonën e eventit, goditi një numër të madh njerëzish dhe më pas u përplas me një pemë. Shoferi braktisi automjetin dhe u largua në këmbë. Auto fährt bei Berliner CSD in Menschenmenge.
Videoaufnahme von einem Reporter der dts Nachrichtenagentur von ca. 23 Uhr#Berlin #b2507 #Tiergarten pic.twitter.com/i86NRNWoPM
— dts Nachrichtenagentur (@dts_nachrichten) July 25, 2026 Autoritetet kanë nisur një operacion të gjerë për kapjen e të dyshuarit, ku janë angazhuar forca të shumta policore dhe një helikopter. Policia konfirmoi se një person humbi jetën nga plagët e marra, pavarësisht përpjekjeve të ekipeve mjekësore për ta shpëtuar në vendngjarje. Të paktën 16 persona të tjerë mbetën të plagosur, disa prej tyre në gjendje të rëndë. 🇩🇪 Die Polizei hat den Christopher Street Day in Berlin vorzeitig beendet. Grund dafür war ein schwerer Polizeieinsatz im Bereich Tiergarten nach einer Kollision eines Autos mit der Menschenmenge. Dabei gab es mehrere Verletzte. pic.twitter.com/DfZSRIob4V
— Nachrichten (@NewsFokus) July 25, 2026 Departamenti i Zjarrfikësve e shpalli ngjarjen si incident me viktima masive, ndërsa mbi 150 zjarrfikës dhe ekipe shpëtimi u angazhuan në operacion. Për transportimin e të plagosurve rëndë u ngrit një pikë e përkohshme uljeje për helikopterët pranë zonës së Reichstagut, ndërsa ambulancat dhe ekipet mjekësore vijuan evakuimin drejt spitaleve. The Berlin Police Department has confirmed that a vehicle drove into a crowd in the Großer Tiergarten area during the Christopher Street Day (CSD/Berlin Pride) celebrations on the evening of July 25, 2026, injuring multiple people.
A vehicle, described in some reports as a white… pic.twitter.com/ZxspAUmMcz
— T_CAS videos (@tecas2000) July 25, 2026 Pas incidentit, organizatorët e Christopher Street Day, në bashkëpunim me policinë, vendosën të ndërpresin aktivitetet dhe të evakuojnë zonën përpara skenës kryesore pranë Portës së Brandenburgut. Autoritetet nuk kanë bërë ende të ditur motivin e ngjarjes, ndërsa hetimet për zbardhjen e plotë të rrethanave vijojnë. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: berlin