Një aksident i frikshëm automobilistik është regjistruar në Kinë, ku një nënë dhe fëmija e saj u hodhën nga makina në të cilën po udhëtonin kur ajo u përplas me një barrierë anësore në autostradë. Një kamera në makinë kapi momentin kur SUV goditi parmakun mbrojtës dhe doli jashtë rrugës.
Siç shihet në video, gjithçka ndodhi kur shoferi i makinës bëri një manovër të papritur për të shmangur një tabelë plastike në autostradën Nanjing Ring.
Sipas policisë, babai dhe djali në sediljet e përparme kishin vendosur rripa sigurie dhe nuk u lënduan.
Nga ana tjetër, nëna dhe fëmija në sediljet e pasme nuk kishin vendosur rripa sigurie dhe u hodhën përmes xhamit të pasmë, duke rezultuar në thyerje të krahëve. Top Channel