Ellen Burstyn Nga “The Exorcist” te “Requiem for a Dream” dhe “Interstellar”, një prej aktoreve që shënoi gjashtë dekada të kinemasë amerikane nderohet sot në Festivalin e Venecias. Ellen Burstyn mbërrin te Luani i Artë në moshën 93-vjeçare dhe me rreth 150 filma në karrierë. Festivali i Filmit në Venecia ia kushton sot një prej momenteve kryesore të edicionit të 83-të Ellen Burstyn. Aktorja amerikane merr më 7 shtator Luanin e Artë për karrierën, një çmim që vendos në qendër të festivalit një histori artistike që shtrihet në më shumë se gjashtë dekada.
Burstyn mbërriti sot para fotografëve në Lido, ndërsa ceremonia e nderimit të saj shoqëron shfaqjen e filmit të shkurtër “Flesh Impact” të Maggie Gyllenhaal. Filmi i kushtohet Marilyn Monroe-s në 100-vjetorin e lindjes së saj dhe sjell Dakota Johnson në rolin e Monroe-s, ndërsa Burstyn interpreton një version të Marilyn që publiku nuk pati mundësi ta njihte. Në kast marrin pjesë edhe Peter Sarsgaard dhe Sepideh Moafi.
Festivali e ka vendosur ceremoninë e Burstyn mes ngjarjeve kryesore të programit të sotëm. Në orën 11:30 u zhvillua konferenca e saj për shtyp, ndërsa programi zyrtar parashikon tapetin e kuq dhe ceremoninë e Luanit të Artë së bashku me “Flesh Impact”.
Historia e saj me kinemanë amerikane përfshin disa prej filmave që kanë mbetur pika referimi për breza të ndryshëm. “The Last Picture Show” e Peter Bogdanovich e çoi drejt nominimit për Oscar. “The Exorcist” e ktheu në një emër të njohur në mbarë botën. Në vitin 1975 ajo fitoi Oscar-in si aktorja më e mirë për “Alice Doesn't Live Here Anymore” të Martin Scorsese-s, në të njëjtin vit kur fitoi edhe Tony në Broadway. Më vonë erdhën “Requiem for a Dream” i Darren Aronofsky-t dhe “Interstellar” i Christopher Nolan-it.
Drejtori artistik i Festivalit, Alberto Barbera, e lidh zgjedhjen e Burstyn me aftësinë e saj për t'u dhënë thellësi personazheve femërore dhe me mënyrën se si ajo ka interpretuar ndryshimet e gruas në shoqërinë amerikane. Në një karrierë me rreth 150 filma, ajo ka punuar me Martin Scorsese, Paul Schrader, Alain Resnais, Darren Aronofsky, Christopher Nolan dhe regjisorë të tjerë që kanë përcaktuar periudha të ndryshme të kinemasë.
Burstyn vazhdon të punojë edhe në moshën 93-vjeçare. Ajo drejton Actors Studio së bashku me Al Pacino dhe Alec Baldwin dhe në vitin 2026 botoi librin “Poetry Says It Better: Poems to Help You Wake Up”.
Venecia këtë vit ka zgjedhur një program më të orientuar drejt kinemasë së autorit, ndërsa studiot e mëdha të Hollywood-it kanë zvogëluar praninë. Festivali zhvillohet nga 2 deri më 12 shtator dhe në garën për Luanin e Artë marrin pjesë filma të regjisorëve si Martin McDonagh, Florian Zeller, Danny Boyle, Werner Herzog dhe Hirokazu Kore-eda.
Në këtë Venecia më pak të varur nga industria e madhe amerikane, ceremonia e sotme kthen vëmendjen te një aktore që ka kaluar nëpër gjashtë dekada të Hollywood-it pa u shkëputur nga kinemaja. Në moshën 93-vjeçare, Ellen Burstyn nuk shkon në Lido vetëm për të marrë një çmim për atë që ka bërë. Ajo mbërrin atje ende duke luajtur./Pamfleti ellen burstyn Lini një Përgjigje Anuloje përgjigjen Kulture Muzika operistike rikthehet me madhështi/ TKOBAP çel sezonin e ri artistik me një Gala të veçantë 7 Shtator 2026, 09:4809:48Kulture Një karrierë me mbi 200 role, Michael Mendl ndahet nga jeta në moshën 82-vjeçare 5 Shtator 2026, 13:2413:24Kulture Venecia çmonton televizionin e poshtërimit, Robert Pattinson hap dosjen e “To Catch a Predator” 5 Shtator 2026, 12:1612:16Kulture Mbivlerësimi i komanduar i trashëgimisë osmane në Shqipëri 5 Shtator 2026, 11:3711:37Kulture "Aktrimi ka qenë ëndrra ime”/ Reshat Arbana në lot: Nuk dal dot në kafe se të gjithë duan të rrinë me mua 4 Shtator 2026, 13:2613:26Kulture Telluride hap garën e Oscarëve me një film sekret dhe sfidën e inteligjencës artificiale 4 Shtator 2026, 13:1513:15Kulture