Presidenti i Serbisë, Aleksandar Vuçiç, ka deklaruar se ish-presidenti i Kosovës, Hashim Thaçi, mund të dënohet për vepra të lehta dhe se dënimi mund të jetë i barabartë me kohën që ka kaluar tashmë në paraburgim. “Sa kuptoj unë, vendimi ndaj Hashim Thaçit është caktuar për 16 shtator dhe, sa kuptoj unë, do të jetë kryesisht shfajësues. Sipas njohurive të mia, ai do të dënohet për krime të vogla dhe dënimi do të jetë i njëjtë me kohën që ka kaluar tashmë në paraburgim”, ka deklaruar Vuçiç. Ai tha se Perëndimi kërkon të paraqesë Serbinë si palën e vetme përgjegjëse për krimet e viteve ’90. LEXO EDHE:Media malazeze: Serbia dhe Shqipëria pas veprimtarive hibride ndaj Malit të Zi! Bardhi kërkon sqarime, Hoxha: Hamendësime, s’jemi pjesë e skenarëve destablizues “Perëndimi dëshiron të thotë se ne jemi të vetmit fajtorë dhe se duhet ta pranojmë këtë, sepse nuk ka pasur krime ndaj jush. Gjaku serb nuk ka rëndësi”, u shpreh ai. Më tej, Vuçiç foli për vdekjen e ish-komandantit të Ushtrisë së Republika Srpska, Ratko Mladiç, duke pretenduar se Gjykata e Hagës kishte dashur që ai të vdiste pas hekurave. “E pamë tani se Haga donte që Mladiç të vdiste pas hekurave. Nuk donin ta linin gjeneralin të vdiste në Serbi, të vdiste aty ku ai dëshironte. Kjo është sjellje antikulçivizuese, sjellje pa precedent dhe pa justifikim”, tha presidenti serb. Vuçiç bëri të ditur se janë dërguar ekipe për të ndihmuar me çështjet logjistike që lidhen me varrimin e Mladiçit. “Nuk mund të them asgjë më shumë për momentin, sepse nuk kemi marrë ende asgjë nga Haga”, tha ai, duke shtuar se, nëse familja e Mladiç dëshiron që ai të varroset në Serbi, shteti do të organizojë gjithçka në mënyrë dinjitoze. Presidenti serb akuzoi gjithashtu gjykatat ndërkombëtare se kanë trajtuar ndryshe personat e akuzuar për krime ndaj serbëve, duke përmendur Ante Gotovinën dhe Naser Oriçin. “Gjithë ata që morën pjesë në krimet kundër serbëve në territorin e Jugosllavisë gjithmonë janë liruar”, tha Vuçiç, duke përmendur edhe operacionin “Stuhia” dhe duke pretenduar se Naser Oriçi ishte liruar pavarësisht dëshmive që, sipas tij, e lidhnin atë me vrasjen e Slobodan Iliçit. “Në Nju Jork do të flas për vuajtjet e serbëve” Vuçiç deklaroi se pas 16 shtatorit do të udhëtojë në Nju Jork, ku, si përfaqësues i Serbisë, do të flasë për vuajtjet e popullit serb gjatë viteve ’90. “Unë do të përfaqësoj Serbinë dhe, më besoni, do të jetë fjalimi më i dëgjuar që do të mund ta matni në rrjetet sociale. Fjalimi më i shikuar dhe më i dëgjuar, pa llogaritur Presidentin Trump”, tha ai. Vuçiç shtoi se ka nisur të shkruajë fjalimin dhe se do të përmbledhë atë që, sipas tij, i është bërë popullit serb dhe Serbisë që nga vitet ’90. Sipas tij, fjalimi do të shërbejë si “mësim” dhe “tekst historik” për kombet e tjera, në mënyrë që ato “të mos besojnë asgjë” pa e parë historinë. I pyetur për reagimin e Ministrisë kroate të Veteranëve pas lajmit për vdekjen e Mladiçit, Vuçiç tha se Kroacia kërkon që Serbia të jetë “në gjunjë”. “Imagjinoni nëse Gotovina vdes dhe Ministria e Punës dhe Mirëqenies Sociale e Republikës së Serbisë del me një deklaratë. Mund ta shihni se nuk janë normalë. Përveçse janë të pasjellshëm, mund ta shihni se nuk janë normalë. Kjo është ndërhyrja më e drejtpërdrejtë në punët tona të brendshme në çdo kohë”, tha ai. Vuçiç shtoi se Serbia synon të ruajë marrëdhënie të mira ndërkombëtare, veçanërisht me ata që, sipas tij, e kanë “poshtëruar” dhe i kanë “marrë vendin”, por theksoi se ajo që ka ndodhur duhet të mbahet mend. “Ne nuk duhet të harrojmë kurrë se çfarë ka ndodhur dhe si ka ndodhur”, përfi presidenti serb./RTS U.D/SI.E./Shqiptarja.com TAG: kosove serbi Gjyqi ndaj UCK ne Hage hashim thaci aleksander vucic Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:
24 Gusht, 21:21
Si ju duket plani i qeverisjes i paraqitur në Pogradec nga Rama? Mirë 51.9% Keq 35.2% Nuk e di 12.9% Vota total: 4504 Votat totale janë unike Sondazhi i ditës: 24 Gusht, 21:21 Si ju duket plani i qeverisjes i paraqitur në Pogradec nga Rama?