Një ngjarje e rëndë është regjistruar në bregdetin e Shëngjinit, konkretisht në zonën e njohur si "Rana e Hedhun".
Sipas informacioneve të para, një person ka rënë nga një mjet lundrues (gomone) në lëvizje. Gjatë rënies, ai dyshohet se është goditur nga helikat e mjetit lundrues, duke pësuar dëmtime fatale që i kanë shkaktuar vdekjen.
Policia dhe grupi hetimor ndodhen në vendngjarje për të zbardhur rrethanat e plota të këtij aksidenti tragjik dhe për të përcaktuar përgjegjësitë e drejtuesit të mjetit. Pritet një njoftim zyrtar nga autoritetet policore me detaje më të hollësishme mbi identitetin e viktimës dhe dinamikën e ngjarjes.