Dua Lipa po shijon në maksimum ditët e saj të pushimeve në Formentera, duke ndarë me fansat disa prej momenteve nga arratisja e saj verore.
Këngëtarja 30-vjeçare ka publikuar një galeri fotosh nga ishulli spanjoll, ku shfaqet në plazh, duke shijuar diellin dhe duke kaluar kohë me motrën e saj, Rina, dhe vëllain, Gjin.
Në qendër të vëmendjes janë edhe pozat e Duas me bikini të ndryshme. Në disa prej fotografive ajo shfaqet me një model me pika, ndërsa në të tjera me një bikini me print leopardi, duke sjellë edhe pak stil veror në albumin e saj nga Formentera.
“Nuk ka verë pa prekur ishullin tim të preferuar të paktën një herë”, shkroi ajo krahas postimit, duke lënë të kuptohet se Formentera mbetet një prej destinacioneve që nuk mungon në verat e saj.
Pushimet vijnë pas një periudhe të rëndësishme për këngëtaren edhe në jetën personale. Dua Lipa u martua këtë vit me aktorin Callum Turner. Çifti zhvilloi ceremoninë ligjore në Londër, ndërsa më pas festoi martesën në Palermo, në Siçili.
Tani, larg eventeve dhe angazhimeve profesionale, Dua duket se po shijon një tjetër kapitull të verës, këtë herë mes detit, diellit dhe familjes.