Rusia ka ndërmarrë një sulm të ri ajror ndaj Kievit në orët e para të së martës, 8 shtator, duke rikthyer bombardimet pas një pauze tre ditore. Sulmet u ndërprenë gjatë ditëve të fundit, në një periudhë që përkoi me vizitën në Ukrainë të të dërguarve amerikanë Steve Witkoff dhe Jared Kushner. Sirenat e alarmit u aktivizuan në kryeqytetin ukrainas, ndërsa mbrojtja ajrore u vu në gatishmëri për të përballuar sulmin. Autoritetet lokale u bënë thirrje banorëve të qëndrojnë në vende të sigurta, ndërsa në disa zona të Kievit u raportuan shpërthime. 💥Footage of the aftermath of the strikes in the Kiev region pic.twitter.com/8wtJrWTeoj
— Ignorance, the root and stem of all evil (@ivan_8848) September 7, 2026 Dëme janë raportuar edhe në zonën më të gjerë të kryeqytetit. Sipas Shërbimit Shtetëror të Emergjencave të Ukrainës, ndërtesa industriale në distriktet Boryspil dhe Fastiv janë goditur, duke shkaktuar zjarre dhe dëme në automjete. Sulmi vjen menjëherë pas përfundimit të pauzës tre ditore, e cila përkoi me praninë e dy të dërguarve të Presidentit amerikan në Ukrainë. Witkoff dhe Kushner kanë zhvilluar takime në kuadër të përpjekjeve të administratës amerikane për të rifilluar procesin diplomatik dhe për të gjetur një zgjidhje për konfliktin Rusi-Ukrainë.
Rikthimi i sulmeve ajrore në Kiev vjen në një moment të ndjeshëm për përpjekjet diplomatike, duke shtuar pasigurinë mbi mundësinë e arritjes së një marrëveshjeje për armëpushim. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb