Një sulm me dron ukrainas ndaj një rafinerie në rajonin Krasnodar të Rusisë, në verilindje të Detit të Zi, vrau dy persona dhe shkaktoi një zjarr, njoftuan autoritetet lokale të martën. "Mbetjet e dronit ranë në ambientet e stacionit hekurudhor Afipsky; për fat të keq, dy persona u vranë", tha guvernatori rajonal Veniamin Kondratiev në Telegram , duke shtuar se rafineria lokale ishte në flakë. Ndërkohë edhe Rusia goditi njëkohësisht katër qytete gjatë natës: Kiev, Kharkiv, Zaporizhzhia dhe Dnipro. Disa ndërtesa banimi u dëmtuan, teksa nuk munguan as shpërthimi i disa zjarreve. LEXO EDHE:Serbia përgatitet për Schengen, por nuk planifikon t’i vendosë viza Rusisë Në lagjen Goloseevsky, mbetjet e një droni ranë mbi një ndërtesë banimi 16-katëshe, duke shkaktuar shkatërrimin e disa mureve dhe thyerjen e dritareve në katin e 14-të. Sipas kryetarit të bashkisë së Kharkiv, Igor Terekhov, një raketë goditi lagjen Osnovyansky, duke vrarë një person. Ndërkohë ditën e sotme, një avion ushtarak misterioz amerikan u ul në Moskë këtë mëngjes, sipas të dhënave të publikuara nga faqja e internetit e gjurmimit të trafikut ajror Flightradar 24. Por sipas mediave të huaja, nuk është dhënë asnjë konfirmim zyrtar nga autoritetet ruse ose amerikane. Sipas Flightradar 24, bëhet fjalë për një avion transporti ushtarak Boeing C-17 Globemaster III të Forcave Ajrore Amerikane, me kodin RCH4555. Me sa duket, avioni u ul në Aeroportin Ndërkombëtar Vnukovo nga Riga, ku kishte mbërritur më 23 gusht nga Camp Springs, Maryland, ku ndodhet Baza Ajrore Andrews. CBS ka raportuar se aeroplani amerikan që u ul në Moskë po transportonte drejtorin e CIA-s, John Ratcliffe, për në Rusi. Ratcliffe thuhet se ndodhet në Moskë për "takime të klasifikuara". Sipas një piste që po qarkullon në orët e fundit, udhëtimi i Ratcliffe lidhet me lirimin e mundshëm të shtetasit amerikan Charles Wayne Zimmerman, i dënuar në Rusi me pesë vjet burg për posedim të padeklaruar të armëve dhe municioneve të gjetura në anijen e tij. Sipas gazetares Ksenia Sobchak, Zimmerman nënshkroi një kërkesë për falje gjatë verës, e cila më pas u dërgua në Moskë. Kjo ka çuar në hipotezën se C-17 mund të ketë mbërritur për lirimin e mundshëm të shtetasit amerikan, pa nënkuptuar domosdoshmërisht një shkëmbim të burgosurish. Megjithatë, për momentin, nuk ka lajme zyrtare në lidhje me kërkesën për falje. Lajm në përditësim... Rendit zhvillimet sipas orarit: Të Fundit Të Parat Ora 16:42 Shefi i CIA-s vizitë sekrete në Moskë, dyshohet se po negocion për lirimin nga burgu të amerikanit Charles Wayne Zimmerman Detaje të reja po dalin mbi misterin e mbërritjes në Moskë të një avioni ushtarak amerikan, Boeing C-17A Globemaster III, i cili u ul këtë mëngjes në Aeroportin e Vnukovos pasi u nis nga Riga.Sipas mediave të huaja, shefi i CIA-s po udhëtonte gjithashtu në bord. Sipas një piste që doli në orët e fundit, udhëtimi i John Ratcliffe lidhet me lirimin e mundshëm të shtetasit amerikan Charles Wayne Zimmerman, i dënuar në Rusi me pesë vjet burg për posedim të padeklaruar të armëve dhe municioneve të gjetura në anijen e tij.Sipas gazetares Ksenia Sobchak, Zimmerman nënshkroi një kërkesë për falje gjatë verës, e cila më pas u dërgua në Moskë. Kjo ka çuar në hipotezën se C-17 mund të ketë mbërritur për lirimin e mundshëm të shtetasit amerikan, pa nënkuptuar domosdoshmërisht një shkëmbim të burgosurish. Megjithatë, për momentin, nuk ka lajme zyrtare në lidhje me kërkesën për falje. R.Xh/Shqiptarja.com Share Ora 15:47 Një avion ushtarak amerikan ulet në Moskë, mister ‘misioni’ i tij! Autoritetet ruse ‘kyçin’ gojën Një avion ushtarak misterioz amerikan u ul në Moskë këtë mëngjes, sipas të dhënave të publikuara nga faqja e internetit e gjurmimit të trafikut ajror Flightradar 24.Por sipas mediave të huaja, nuk është dhënë asnjë konfirmim zyrtar nga autoritetet ruse ose amerikane, dhe është e pamundur të përcaktohet qëllimi i misionit të mundshëm.Sipas Flightradar 24, bëhet fjalë për një avion transporti ushtarak Boeing C-17 Globemaster III të Forcave Ajrore Amerikane, me kodin RCH4555. Me sa duket, avioni u ul në Aeroportin Ndërkombëtar Vnukovo nga Riga, ku kishte mbërritur më 23 gusht nga Camp Springs, Maryland, ku ndodhet Baza Ajrore Andreës.Zëdhënësi i Kremlinit, Dmitry Peskov, tha se nuk kishte informacion në lidhje me aeroplanin dhe shtoi se nuk ishin planifikuar takime me zyrtarë të administratës amerikane në Kremlin këtë javë.Prandaj, një vizitë e re në Moskë nga të dërguarit amerikanë Steve Witkoff dhe Jared Kushner, të cilët më parë kanë vepruar si ndërmjetës midis Moskës dhe Kievit, duket e pamundur.Ndërmjetësimi i Uashingtonit është pezulluar aktualisht. Një video e paverifikueshme, e xhiruar nga një shofer i ndaluar në trafik në qendër të Moskës, po qarkullon në kanalet Telegram. Ajo tregon disa makina me targa diplomatike amerikane që kalojnë, të shoqëruara nga policia.Vendndodhja është në Novy Arbat Avenue dhe eskorta po vazhdon drejt asaj pjese të qytetit ku ndodhet Kremlini. Kanale të tjera spekulojnë se avioni mund të ketë mbërritur në Moskë për të riatdhesuar disa qytetarë amerikanë të liruar nga burgjet ruse. R.Xh/Shqiptarja.com Share Xh.K/R.Xh/Shqiptarja.com TAG: Rusi lufta ne ukraine Sa e vlerësoni këtë artikull? ★ ★ ★ ★ ★ 1.0 / 5 (1 vlerësim) Faleminderit! LAJMET MË TË VLERËSUARA Komente Komento Sondazhi i ditës:
24 Gusht, 21:21
Si ju duket plani i qeverisjes i paraqitur në Pogradec nga Rama? Mirë 55.1% Keq 32.8% Nuk e di 12.1% Vota total: 1262 Votat totale janë unike Sondazhi i ditës: 24 Gusht, 21:21 Si ju duket plani i qeverisjes i paraqitur në Pogradec nga Rama?