Pas sinjalizimeve të para mbi problematikat e ujit të pijshëm në dy zona të Vlorës, ku u konstatua mungesë klori dhe prani amoniaku, situata ka marrë një kthesë edhe më kritike.
Analizat e fundit laboratorike evidentuan praninë e ndotjes fekale, duke e shndërruar këtë çështje në një emergjencë të qartë për shëndetin publik. Ndonëse institucionet përgjegjëse kanë zbritur në terren, reagimi i tyre vijon të jetë i vonuar përballë një rreziku kaq të drejtpërdrejtë.
Një nga nyjat më kritike të kësaj krize, e cila shpesh mbetet jashtë vëmendjes institucionale, mbeten depozitat e ujit të vendosura mbi tarracat e pallateve në Vlorë.
Pavarësisht nëse menaxhohen privatisht apo si pronë e përbashkët, mungesa e një kontrolli të detyrueshëm, dezinfektimit dhe pastrimit periodik përbën një rrezik madhor.
Pamjet e siguruara nga pastrimi i njërës prej këtyre depozitave dëshmojnë kushte tejet shqetësuese higjieno-sanitare, duke ngritur pikëpyetje serioze mbi sigurinë e ujit që konsumojnë familjet vlonjate çdo ditë. View this post on Instagram A post shared by JOQ Albania (@joqalbania)